20:36 16 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Հին Երևան

«Հին Երևանի» երեք շենքերի շինարարությունն այս տարվա ընթացքում կավարտվի. Ճարտարապետ

© Sputnik / Ani Liparityan
Հայաստան
Ստանալ կարճ հղումը
10310

XIX դարի վերջի ու XX դարի սկզբի Երևանի տեսքի վերականգնման նախագծի հեղինակը բողոքում է, որ պատասխանատու մարմինները ծրագրին ուշադրություն չեն դարձնում։

ԵՐԵՎԱՆ, 10 հոկտեմբերի — Sputnik. «Հին Երևան» ճարտարապետական նախագծի երեք շենքերի կառուցումը կավարտվի այս տարվա ընթացքում։ Այս մասին հայտնեց նախագծի հեղինակ, ճարտարապետ Լևոն Վարդանյանը։

Նրա ներկայացրած նախագիծը նախատեսում էր, որ հինգ տարվա մեջ 21 շենք է վերականգնվելու, սակայն նախագծի իրականացումը 13 տարի է ձգձգվում է, ու դեռ ոչ մի կառուցված շինություն չկա։ Ընդհանուր առմամբ, այդ նախագծի իրականացման համար նախատեսվում էր ծախսել մոտ 130 միլիոն դոլար, սակայն ինքը` ճարտարապետը կարծում է, որ հիմա մոտ 150 միլիոն դոլար պետք կգա։ Նախատեսվում է իրականացնել ծրագիրը մասնավոր միջոցների հաշվին։

«Ոչ մի աջակցություն չկա։ Բոլոր պատասխանատու գերատեսչությունները լռում են, ու այս պահին անհայտ է` ինչ է լինելու նախագծի հետ», – ընդգծեց նա։

Վարդանյանն ասաց նաև, որ հանդիպում է հնարավոր ներդրողների հետ առաջին հանրապետության պետական գործիչ Արամ Մանուկյանի տան վերականգման համար։ Այդ կառույցը ներառված է «Հին Երևան» նախագծում։ Պայմանավորվածություն է ձեռք բերվել սեպտեմբերի վերջին ևս մեկ հանդիպում անցկացնել մանրամասները քննարկելու համար, սակայն ներդրողներից դեռ լուր չկա։

Ավելի վաղ Դաշնակցության ներկայացուցիչ Կիրո Մանոյանը մտադրություն է հայտնել առավելագույնս կարճ ժամկետներում վերակառուցել Արամ Մանուկյանի տունը։

«Հին Երևան» նախագիծն ընդգրկում է շուրջ 100 հազ. ք/մ մակերեսով շինարարական տարածք Երևանի կենտրոնում` Աբովյան փողոցից մինչև Կողբացի փողոց և Արամի փողոցից մինչև Բյուզանդի փողոցն ընդգրկող պողոտայի հատվածում:

Նախագծով նախատեսվում է վերականգնել 19-րդ դարի վերջի  20-րդ դարի սկզբի Երևանի մի մասը: Մոտ 150 մլն դոլար գնահատված «Հին Երևան» կառուցապատման ծրագիրը նախատեսվում էր ավարտել 2010-2011 թվականներին։ Սակայն որոշ խնդիրների պատճառով հետաձգված նախագծի վերաբերյալ պայմանագիրը «Մուլտիկոնտինենտալ Դիստրիբյուշն» ՍՊԸ-ի հետ գործադիրը կնքեց միայն 2014 թվականին։ Շինարարական աշխատանքները մեկնարկեցին միայն 2017թ-ին։

Ըստ թեմայի

Հին Երևանի կանգուն վկաները. Աբովյան 52
Արմեն Ամիրյան. «Հին Երևան» ծրագրի իրականացման մասով որևէ խնդիր չկա
Նոր կառավարությունը փոփոխել է «Հին Երևան» նախագիծը. ի՞նչը չի հավանել ՀՀ նոր իշխանությունը
Արամ Մանուկյանը արձան կունենա, տուն` ոչ. «Հին Երևանի» վերջին վկան կանգնած է մեռնում
Հին Երևան. Բորիս Պիոտրովսկու վերադարձը հայրենի տուն
Քաղաքաշինության նախարար. Արամի 30-ը կներառվի «Հին Երևան» ծրագրում
Հին Երևանի կանգուն վկաները. Հնդեվրոպական հեռագրային կապի հեռագրատունը
թեգերը:
Երևան

Գլխավոր թեմաներ