14:36 18 հոկտեմբերի 2018
Ուղիղ եթեր
  • USD483.90
  • GBP635.94
  • EUR559.68
  • RUB7.38
Դավիթ Սանասարյան, Վալերիյ Օսիպյան

Վարչապետի վերահսկողական ծառայությունն ուսումնասիրություններ կիրականացնի Մարալիկում

© Sputnik / Asatur Yesayants
Հայաստան
Ստանալ կարճ հղումը
71 0 0

Վերահսկողական ծառայության պետ Դավիթ Սանասարյանն այսօր Մարալիկի ՀՀԿ-ական քաղաքապետից պահանջել է քաղաքապետարանի հաշվապահական փաստաթղթերը:

ԵՐԵՎԱՆ, 12 հոկտեմբերի — Sputnik. ՀՀ վարչապետին կից պետական վերահսկողական ծառայությունը Մարալիկի քաղաքապետարանում ուսումնասիրություն կիրականացնի: Այս մասին Մարալիկ կատարած այցի ընթացքում այսօր հայտարարեց ծառայության ղեկավար Դավիթ Սանասարյանը:

«Այստեղ ճգնաժամ կա, և կան ճգնաժամի լուծման տարբերակներ կան: Ուզում ենք հասկանալ` ինչի համար են բնակիչները բողոքում»,- լրագրողների հետ զրույցում ասաց Սանասարյանը:

Այցի ընթացքում Դավիթ Սանասարյանը հանդիպում ունեցավ նաև Մարալիկի քաղաքապետ Արտակ Գևորգյանի հետ` նրանից պահանջելով քաղաքապետարանի հաշվապահական փաստաթղթերը` համապատասխան ուսումնասիրություններ իրականացնելու համար:

Քաղաքապետը խոստացավ տրամադրել, բայց ոչ այսօր, քանի որ օրն աշխատանքային չէ, և քաղաքապետարանի այդ հարցով պատասխանատու աշխատակիցները տեղում չեն:

Քաղաքապետը նաև տեղեկացրեց` արդեն շուրջ 10 աշխատանքային օր չի կարողանում մուտք գործել աշխատավայր, քանի որ իր հրաժարականը պահանջող մարալիկցիները փակել են քաղաքապետարանի մուտքի դուռն ու ամեն օր վերահսկողություն են իրականացնում:

Քաղաքապետարանի դուռը բացվեց այսօր` Դավիթ Սանասարյանի այցի ժամանակ: Արդեն Գևորգյանի աշխատասենյակում Սանասարյանը հիշեցրեց` վարչապետը հորդորել է բոլոր այն համայնքների ղեկավարներին, ովքեր չեն վայելում իրենց համայնքի բնակիչների վստահությունը, հրաժարական տալ:

«Համայնքապետները հրաժարական են տալիս, ժողովրդի պահանջին ընդառաջ են գնում, և նորից ընտրություն է լինում: Ընտրությունից հետո նոր Հայաստանում որևէ մեկը չի կարող ասել, որ ընտրություն է կեղծվել»,- ասաց Սանասարյանը` հավելելով, որ հրաժարականի որոշումը պիտի կայացնի քաղաքապետը:

Իսկ իրենք կկատարեն ուսումնասիրություններն ու կսպասեն արդյունքներին:

Միաժամանակ, Դավիթ Սանասարյանը մարալիկցիներին կոչ արեց համբերատար սպասել ուսումնասիրությունների ավարտին, բացել քաղաքապետարանի մուտքը և թույլ տալ համայնքի ղեկավարությանն աշխատել:

Հիշեցնենք` արդեն տևական ժամանակ է, ինչ Մարալիկում բողոքի ակցիաներն են ընթանում ՀՀԿ-ական քաղաքապետի հրաժարականի պահանջով:

Ըստ թեմայի

Մարալիկի մարզադպրոցի տնօրենը վերականգնել է պետությանը պատճառած վնասը
ՄԻՊ–ը կզբաղվի «ԱդեկվաԴ» հաղորդման նկարահանող խմբի հետ Մարալիկում կատարված միջադեպով
Մարալիկում հարձակվել են «ԱդեկվաԴի» նկարահանող խմբի վրա. տեսանյութեր 18+
Մարալիկում «բացել են» Թալեաթի գլուխը
թեգերը:
Հայաստան

Գլխավոր թեմաներ