ԵՐԵՎԱՆ, 29 հոկտեմբերի — Sputnik. Արտաշատի սահմանապահ ջոկատի սահմանապահները բռնել են Հայաստանի Հանրապետության պետական սահմանն ապօրինի հատած անձի, որի մոտ փաստաթղթեր չեն հայտնաբերվել: Նախնական տվյալներով` սահմանախախտը Աֆղանստանի Իսլամական Հանրապետության քաղաքացի է: Այս մասին հայտնում է Հայաստանում ՌԴ Դաշնային անվտանգության ծառայության սահմանապահ վարչության մամուլի ծառայությունը։
Նշվում է, որ սահմանախախտը կյանքի լավագույն պայմանների փնտրտուքներով առանց խոչընդոտների հատել է պակիստանա-աֆղանական, աֆղանա-իրանական, իրանա-թուրքական սահմանները։ Հայաստան մտնելու փորձի ժամանակ նրան բռնել են ռուս սահմանապահները:
Սահմանախախտը փոխանցվել է համապատասխան մարմիններին՝ միջադեպի հանգամանքները պարզելու համար:
Սահմանախախտ
© Photo : Photo : press office of the Border Service of the FSS of RF
