02:29 18 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
Դավիթ Տոնոյան

Բաքուն Երևանին ոչ մի առաջարկ չի արել. Տոնոյան

© Photo : press office of the MoD of RA
Հայաստան
Ստանալ կարճ հղումը
166 0 0

ՀՀ պաշտպանության նախարարի պաշտոնակատարը հերքում է լրատվամիջոցներում տարածված լուրերն այն մասին, թե Բաքուն Հայաստանին գերիների փոխանակման առաջարկ է արել։

ԵՐԵՎԱՆ, 6 նոյեմբերի — Sputnik. Բաքուն Երևանին գերիների փոխանակման առաջարկ չի արել։ Այս մասին այսօր ԱԺ–ում, պատասխանելով լրագրողների հարցերին, ասաց ՀՀ պաշտպանության նախարարի պաշտոնակատար Դավիթ Տոնոյանը` հավելելով, որ այդ մասին տեղեկացել է լրատվամիջոցներից։

Իսկ նման առաջարկի դեպքում, ըստ Տոնոյանի, Հայաստանն այս պահին Ադրբեջանի հետ քննարկելու հարց չունի, քանի որ ՀՀ–ում և ԼՂՀ–ում ադրբեջանցի գերիներ չկան։

Լրագրողները հարցրին` եթե Ադրբեջանից նման առաջարկ ստանային, կբանակցեի՞ն այդ հարցի շուրջ։

«Եթե ՀՀ–ում կամ Արցախում լինեն ռազմական գերիներ... եթե լինեն, բայց այս պահին չկան»,– ասաց Տոնոյանը։

Նախարարի պաշտոնակատարը հայտնեց նաև, որ գերիների հարցերով զբաղվող հանձնաժողովը, որն այս պահին լուծարված է, առաջիկայում կվերականգնվի, և պաշտպանության նախարարը կգլխավորի այն։

Հիշեցնենք` նոյեմբերի 2-ին «Ինտերֆաքս» գործակալությունը, վկայակոչելով իր քաջատեղյակ աղբյուրին, հայտնել էր, որ Բաքուն Երևանին առաջարկել է փոխանակել երկու կողմերում գտնվող գերիներին և ձերբակալված անձանց՝ «բոլորը բոլորի դիմաց» սկզբունքով:

Գործակալությունը նշել էր, որ Ադրբեջանում այս պահին ՀՀ 3 քաղաքացիներ են պահվում՝ Արսեն Բաղդասարյանը, Կարեն Ղազարյանը, Զավեն Կարապետյանը, որոնց պաշտոնական Բաքուն համարում է դիվերսանտ՝ մեղադրելով պատերազմական հանցագործությունների մեջ: Նրանք Ադրբեջանում երկարատև ազատազրկման են դատապարտված:

Հոդվածում նշված էր նաև, որ հայկական կողմում երեք ադրբեջանցի կա։ Շահբազ Գուլիևը և Դիլհամ Ասկերովը, որոնք ձերբակալվել են 2014 թվականին, Լեռնային Ղարաբաղի տարածքում: Ղարաբաղյան դատարանը Ասկերովին ցմահ ազատազրկման է դատապարտել, իսկ Գուլիևին՝ 22 տարվա ազատազրկման՝ մեղավոր ճանաչելով լրտեսության, պետական սահմանի ապօրինի հատման, ռազմամթերք կրելու, առևանգման և սպանության համար։

Երրորդ ադրբեջանցին Էլնուր Հուսեյնզադեն է, որը ձերբակալվել է 2017թ–ին Թալիշ գյուղի մոտ։ Հուսեյնզադեն, պաշտոնական վարկածի համաձայն, ադրբեջանական բանակի զինծառայող է և ձերբակալվել է դիվերսիայի պահին:

Գլխավոր թեմաներ