02:28 18 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
Արա Մինասյան

Թորոսյանը Սերժ Սարգսյանի խնամու մեղադրանքը չի ընդունում

© Sputnik / Aram Nersesyan
Հայաստան
Ստանալ կարճ հղումը
15710

Առողջապահության նախարարի պաշտոնակատար Արսեն Թորոսյանն անդրադարձել է «Սուրբ Գրիգոր Լուսավորիչ» ԲԿ-ի նախկին տնօրեն Արա Մինասյանի դեմ հարուցված քրեական գործին ու իր դեմ ներկայացված բողոքներին։

ԵՐԵՎԱՆ, 7 նոյեմբերի — Sputnik. «Սուրբ Գրիգոր Լուսավորիչ» ԲԿ-ի նախկին տնօրեն, պրոֆեսոր Արա Մինասյանի նկատմամբ հարուցված քրեական գործին վերաբերող հարցերով ճիշտ կլինի դիմել Քննչական կոմիտեին։ Առողջապահության նախարարի պաշտոնակատար Արսեն Թորոսյանն այսօր ԱԺ–ում այս խորհուրդը տվեց լրագրողներին։

«Մեզ հետաքրքրում է միայն հիմնարկների արդյունավետ կառավարումը», –ասաց նա։

Անդրադառնալով իր և նախարարության դեմ Արա Մինասյանի փաստաբանների բողոքների հիման վրա զրպարտության մեղադրանքով հարուցված երկու քրեական գործերին` Թորոսյանն ասաց. «Ես կարծում եմ, որ իմ խոսքերի մեջ զրպարտանք չի եղել, այլ եղել են գնահատականներ, որոնք ես միշտ էլ վերահաստատել եմ»։

Հիշեցնենք` նոյեմբերի 2-ին Արա Մինասյանի նկատմամբ հետախուզվում էր հայտարարվել: Մինասյանը ՀՀ նախկին նախագահ Սերժ Սարգսյանի փեսայի հայրն է։

Ըստ Քննչական կոմիտեի՝ նոյեմբերի 2-ին տարածած հաղորդագրության՝ քննությամբ փաստական տվյալներ էին ձեռք բերվել չարաշահումների իրականացմանը «Սուրբ Գրիգոր Լուսավորիչ» բժշկական կենտրոն ՓԲ ընկերության նախկին տնօրենի առնչության վերաբերյալ։

«Նախնական քննության տվյալներով՝ «Սուրբ Գրիգոր Լուսավորիչ» բժշկական կենտրոն ՓԲ ընկերության նախկին տնօրենը 2016 թվականից մինչև 2017 թվականի սեպտեմբերի 30-ն ընկած ժամանակահատվածում նույն ընկերության մի շարք աշխատակիցների հանցակցությամբ, փաստաթղթեր կեղծելու և կեղծ փաստաթղթեր օգտագործելու միջոցով, խարդախությամբ առերևույթ հափշտակել է ՀՀ առողջապահության նախարարության և «Սուրբ Գրիգոր Լուսավորիչ» բժշկական կենտրոն ՓԲ ընկերության միջև կնքված «Պետության կողմից երաշխավորված անվճար և արտոնյալ պայմաններով անվճար բժշկական և սպասարկման ծառայությունների մատուցման մասին» պայմանագրի շրջանակներում ընդգրկված «Պետական հիմնարկների և կազմակերպությունների աշխատողների սոցիալական փաթեթով ապահովում» ծրագրով ՀՀ պետական բյուջեից հատկացված առանձնապես խոշոր չափերով գումարները: Նախաքննության ներկա փուլում հանցագործությամբ առերևույթ պատճառված վնասի չափը կազմում է 426.343.650 ՀՀ դրամ։

Ըստ թեմայի

Արա Մինասյանի նկատմամբ հայտարարվել է հետախուզում
Դատարանը մերժել է Արա Մինասյանին կալանավորելու միջնորդությունը
թեգերը:
Արսեն Թորոսյան, Հայաստան

Գլխավոր թեմաներ