02:31 18 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
Նիկոլ Փաշինյան

Փաշինյանը մեկնում է Ղազախստան

© Photo / official site of the Prime minister of RA
Հայաստան
Ստանալ կարճ հղումը
13210

Աստանայում նախանշված է ՀԱՊԿ հավաքական անվտանգության խորհրդի նիստը:

ԵՐԵՎԱՆ, 7 նոյեմբերի — Sputnik. ՀՀ վարչապետի պաշտոնակատար Նիկոլ Փաշինյանը նոյեմբերի 8-9-ը աշխատանքային այցով կմեկնի Ղազախստանի Հանրապետություն: Այս մասին հայտնում է ՀՀ կառավարության մամուլի ծառայությունը։

Ըստ հաղորդագրության` Փաշինյանն Աստանայում կմասնակցի Հավաքական անվտանգության պայմանագրի կազմակերպության հավաքական անվտանգության խորհրդի նիստին:

Այցի ընթացքում նախատեսվում է վարչապետի պաշտոնակատարի հանդիպումը տեղի հայ համայնքի ներկայացուցիչների հետ:

Ինչպես արդեն հայտնել ենք, Աստանա է մեկնում նաև ՀՀ արտգործնախարարի պաշտոնակատար Զոհրաբ Մնացականյանը` ՀԱՊԿ անդամ պետությունների արտաքին գործերի նախարարների խորհրդի, պաշտպանության նախարարների խորհրդի, անվտանգության խորհրդի քարտուղարների կոմիտեի համատեղ նիստին մասնակցելու համար։

Նիստերը տեղի կունենան այսօր և վաղը` նոյեմբերի 7-ին և 8-ին` հավաքական անվտանգության խորհրդի նիստին ընդառաջ։

Հիշեցնենք` ՀԱՊԿ գլխավոր քարտուղարի պաշտոնում 3 տարի ժամկետով նշանակված Հայաստանի ներկայացուցիչ Յուրի Խաչատուրովի լիազորությունները դադարեցվել էին նոյեմբերի 2-ին` նրան քրեական գործով առաջադրված մեղադրանքի հիմքով։

Խաչատուրովին մեղադրանք է առաջադրվել 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ ՀՀ հատուկ քննչական ծառայությունում քննվող քրեական գործով, այն բանի համար, որ նա այլ անձանց հետ նախնական համաձայնությամբ տապալել է ՀՀ սահմանադրական կարգը:

Աստանայում նոյեմբերի 8-ին ՀԱՊԿ հավաքական անվտանգության նիստում նախատեսվում է ՀԱՊԿ նոր ղեկավարի նշանակումը։

Ըստ ԶԼՄ–ների` երեկ խմբագիրների հետ հանդիպման ժամանակ Փաշինյանը բարձրաձայնել է Վաղարշակ Հարությունյանի անունը՝ որպես Հայաստանի պաշտոնական թեկնածուի:

Ըստ թեմայի

Յուրի Խաչատուրովի գործը չպետք է ազդի ՀԱՊԿ հեղինակության վրա. Մնացականյան
ՀԱՊԿ գլխավոր քարտուղարի պաշտոնը լքելը Խաչատուրովին կալանավորելու համար հիմք չի հանդիսանում
ՀԱՊԿ-ի անդամ երկրների ղեկավարները կհավաքվեն Աստանայում
Վաղարշակ Հարությունյանը ՀԱՊԿ քարտուղար կնշանակվի՞, թե՞ ԱԽ քարտուղար. «Հրապարակ»
ՀԱՊԿ գլխավոր քարտուղարի հարցով խորհրդակցությունները շարունակվում են. ԱԳՆ
թեգերը:
Հավաքական անվտանգության պայմանագիր կազմակերպություն (ՀԱՊԿ), Նիկոլ Փաշինյան, Հայաստան

Գլխավոր թեմաներ