17:37 15 նոյեմբերի 2018
Ուղիղ եթեր
  • USD487.27
  • GBP622.97
  • EUR549.69
  • RUB7.31
Յուրի Խաչատուրով

Յուրի Խաչատուրովը Հայաստան է վերադարձել

© Sputnik / Asatur Yesayants
Հայաստան
Ստանալ կարճ հղումը
167 0 0

ՀԱՊԿ գլխավոր քարտուղարի պաշտոնից ազատված Խաչատուրովն արդեն մի քանի օր է` Հայաստանում է։

ԵՐԵՎԱՆ, 8 նոյեմբերի – Sputnik. Յուրի Խաչատուրովը նոյեմբերի 4-ից Հայաստանում է։ Sputnik Արմենիային այս մասին հայտնեց ՀԱՊԿ նախկին գլխավոր քարտուղարի փաստաբան Միհրան Պողոսյանը։

«Ամսի 2-ին, երբ երեկոյան հրապարակվեց ազատելու որոշումը, նա միանգամից իրականացրել է պարտականությունների հանձնումը և ամսի 4-ից Հայաստանում է։ Վրաստանի Հանրապետություն է այցելել ` ծնողների շիրմաքարին, միջոցառում ուներ Մոսկվայում, մասնակցել է և այնտեղից միանգամից վերադարձել Հայաստան»,– ասաց Պողոսյանը։

Փաստաբանը հայտնեց նաև, որ մինչ այս պահը Խաչատուրովի հետ քննչական գործողություն չի իրականացվել։

«Քրեական գործի ընթացքից է կախված` գործողություններ կիրականացվեն, թե ոչ, բայց քննչական մարմիններից որևէ զանգ չի եղել։ Խուսափելու և թաքնվելու խնդիր չկար, մինչ այդ էլ կարող էին կանչել։ Դրա հետ կապված որևէ խոչընդոտ չկար»,– ասաց Պողոսյանը։

Հիշեցնենք` ՀԱՊԿ գլխավոր քարտուղարի պաշտոնում 3 տարի ժամկետով նշանակված Հայաստանի ներկայացուցիչ Յուրի Խաչատուրովի լիազորությունները դադարեցվել էին նոյեմբերի 2-ին` նրան քրեական գործով առաջադրված մեղադրանքի հիմքով։

Դավիթ Տոնոյանը դեմ է ՀԱՊԿ գլխավոր քարտուղարի պաշտոնը զիջելուն

Խաչատուրովին մեղադրանք է առաջադրվել 2008 թվականի մարտի 1-ից 2-ն ընկած ժամանակահատվածում Երևան քաղաքում տեղի ունեցած իրադարձությունների վերաբերյալ ՀՀ հատուկ քննչական ծառայությունում քննվող քրեական գործով, այն բանի համար, որ նա այլ անձանց հետ նախնական համաձայնությամբ տապալել է ՀՀ սահմանադրական կարգը:

Աստանայում նոյեմբերի 8-ին ՀԱՊԿ հավաքական անվտանգության նիստում նախատեսվում է ՀԱՊԿ նոր ղեկավարի նշանակումը։

Ըստ թեմայի

«Հավաքական խաղեր». ով կզբաղեցնի ՀԱՊԿ գլխավոր քարտուղարի պաշտոնը
Վաղարշակ Հարությունյանը ՀԱՊԿ քարտուղար կնշանակվի՞, թե՞ ԱԽ քարտուղար. «Հրապարակ»
Դավիթ Տոնոյանը դեմ է ՀԱՊԿ գլխավոր քարտուղարի պաշտոնը զիջելուն
ՀԱՊԿ գլխավոր քարտուղարի պաշտոնը լքելը Խաչատուրովին կալանավորելու համար հիմք չի հանդիսանում
թեգերը:
Յուրի Խաչատուրով, Հավաքական անվտանգության պայմանագիր կազմակերպություն (ՀԱՊԿ), Հայաստան

Գլխավոր թեմաներ