05:56 19 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
Գաբրիել Բալայան

Բալայանը մանրամասներ հայտնեց զինվորական ավտոմեքենայի վթարի մասին

© Sputnik / Aram Nersesyan
Հայաստան
Ստանալ կարճ հղումը
118 0 0

ՀՀ պաշտպանության նախարարի տեղակալը չի բացառում, որ վթարի համար պատասխանատվություն կկրեն զորամասի տարբեր զիվորական կոչումներ ունեցող զինվորականները:

ԵՐԵՎԱՆ, 8 նոյեմբերի — Sputnik. Որոտան-Խնձորեսկ ավտոճանապարհին տեղի ունեցած զինվորական ավտոմեքենայի վթարի պատճառներն ուսումնասիրվում են ծառայողական քննության ու հարուցված քրեական գործի նախաքննության շրջանակում: Այս մասին այսօր կառավարության նիստից հետո լրագրողներին հայտնեց ՀՀ պաշտպանության նախարարի տեղակալ Գաբրիել Բալայանը:

«Իրոք, եղել են զորամասի տարբեր կոչումներով զինծառայողների բացթողումներ: Հնարավոր է` նաև որոշակի տեխնիկական անսարքություններ ի հայտ գան»,- ասաց Բալայանը:

Փոխնախարարը հայտնեց նաև, որ զինվորական ծառայության վարորդները մինչ բանակ զորակոչվելն անցնում են համապատասխան պատրաստություն՝ ՊՆ պատվերի շրջանակում:

«Եթե պարզվի, որ վարորդի մեղքով է եղել, գուցե կարիք առաջանա այս ծրագրերը վերանայելու»,- ասաց Բալայանը՝ միաժամանակ հավելելով, որ տվյալ դեպքում վթարված ավտոմեքենայի վարորդը բավական փորձառու է եղել. Նա մի քանի ամիս անց պետք է զորացրվեր:

Հիշեցնենք` նոյեմբերի 7-ին Որոտան-Խնձորեսկ ավտոճանապարհին զինվորական մեքենա էր վթարի ենթարկվել։ Ավտովթարի հետևանքով մահացել էին շարքային Հայրապետ Վոլոդյայի Նաիրյանը, շարքային Հրանտ Արայի Գասպարյանը, շարքային Էդգար Արմենի Հունանյանը, շարքային Դավիթ Բենիամինի Մելքոնյանը:

Եվս 6 զինծառայողներ ստացել էին տարբեր աստիճանի կոտրվածքներ:

թեգերը:
Հայաստան

Գլխավոր թեմաներ