11:51 17 փետրվարի 2020
Ուղիղ եթեր
  • USD479.05
  • GBP624.39
  • EUR519.53
  • RUB7.54
Հայաստան
Ստանալ կարճ հղումը
14210

Գործարար Սամվել Մայրապետյանի դեմ քրեական գործը ոչ մի կերպ կապված չէ հեռուստաընկերության գործունեության հետ, և ոչ ոք մտադիր չէ ոտնահարել խոսքի ազատությունը։

ԵՐԵՎԱՆ, 20 նոյեմբերի — Sputnik. Հայաստանի վարչապետի պաշտոնակատար Նիկոլ Փաշինյանն այսօր հրավիրված ասուլիսի ժամանակ խոսեց գործարար, Հ2 հեռուստաընկերության սեփականատեր Սամվել Մայրապետյանի կալանքի մասին։

Նա ասաց, որ չի ցանկանում հայտարարություններ անել, որոնք կազդեն նախաքննության վրա, բայց առկա տեղեկությունը հիմքեր է տալիս ասելու, որ «այս գործում մենք կարող ենք առնչվել խոշոր կոռուպցիոն խաչմերուկի հետ»:

«Խաչմերուկի լուսացույցի բոլոր գույները բացահայտելը մեր պարտավորությունն է: Ինձ ասվել էր, որ լրատվամիջոցի հաշվի վրա կալանք է դրված, հետաքրքրվեցի, պարզվեց՝ դրված չէ, դրված է միայն՝ որպես մեղադրյալ ներգրավված անձի հաշիվների վրա», – ասաց Փաշինյանը։

Նա հայտարարեց, որ Մայրապետյանի դեմ քրեական գործը ոչ մի կերպ կապված չէ հեռուստաընկերության գործունեության հետ, և երկրում ոչ ոք մտադիր չէ խախտել խոսքի ազատությունը։

Հայաստանի Հատուկ քննչական ծառայությունը հոկտեմբերին Մայրապետյանին մեղադրանք է առաջադրել կաշառք ստանալու միջնորդության համար (ՀՀ ՔՕ 38-311 հոդված)։ Համարվում է, որ նա ՀՀ երկրորդ նախագահ Ռոբերտ Քոչարյանի մտերիմներից մեկն է։

Մայրապետյանը Հ2 հեռուստաընկերության և «Տոյոտա Երևան» ընկերության սեփականատերն է, ինչպես նաև Երևանի կենտրոնում զբաղվում է էլիտար անշարժ գույքի շինարարությամբ։

Ըստ թեմայի

Մայրապետյանին չեն ազատի. դատախազությունը պատասխանել է լրատվամիջոցների ղեկավարներին
Հանդիպում Մայրապետյանի հետ. ինչի մասին են խոսել օմբուդսմենն ու կալանավորված գործարարը
Սամվել Մայրապետյանի պաշտպանը միջնորդություն է ներկայացրել ՀՀ գլխավոր դատախազին

Գլխավոր թեմաներ