07:54 23 հոկտեմբերի 2019
Ուղիղ եթեր
  • USD475.96
  • GBP615.51
  • EUR530.36
  • RUB7.48
ԼԳԲՏ–ներին «Սատարող» լուսացույց

ՀՀԿ–ն նախկինում ինչ–որ չէր հիշում ԼԳԲՏ համայնքի մասին. Փաշինյան

© AP Photo / Francisco Seco
Հայաստան
Ստանալ կարճ հղումը
12110

Փաշինյանի խոսքով` ԼԳԲՏ–ն երկար տարիների պատմություն ունի, բայց Հայաստանի Հանրապետական կուսակցությանը, չգիտես ինչու, դա չէր անհանգստացնում։

ԵՐԵՎԱՆ, 20 նոյեմբերի — Sputnik. Որոշ շրջանակներ հիմա էլ ԼԳԲՏ թեման են շահարկում, իսկ ԼԳԲՏ որոշ ակտիվիստներ միաժամանակ շատ բուռն ձևով պայքարում են այդ երևույթի դեմ: Այս մասին այսօր մամուլի ասուլիսի ժամանակ ասաց ՀՀ վարչապետի պաշտոնակատար Նիկոլ Փաշինյանը։

«Միաժամանակ չեն պատասխանում կոնկրետ մի հարցի։ Երբ ՀՀ որևէ քաղաքացի հայտարարում է, որ ես սեռական փոքրամասնության ներկայացուցիչ եմ, մենք ի՞նչ պետք է անենք իրեն: Ասեք՝ սպանում ենք, գնդակահարում ենք, քառատում ենք, բանտ ենք ստացնում, արտաքսում ենք Հայաստանից: Այսինքն մինչև մայիսը Հայաստանում ԼԳԲՏ համայնք չի եղե՞լ»,– հարցրեց Փաշինյանը:

Նա ասաց, որ 2000-ական թվականներին, երբ ՀՀԿ-ի իշխանության ամենածաղկուն շրջանն էր, ՀՀ-ում հրապարակվել էր նախարարների և բարձրաստիճան պաշտոնյաների ցուցակ, որոնք ունեն այլ սեռական կողմնորոշում:

«Այդ ժամանակ այս նույն մարդիկ, չգիտես ինչու, ցույցեր չէին անում, տակից չէին ֆինանսավորում այդ ցույցերը,-ընդգծեց Փաշինյանն ու ավելացրեց,– մենք թույլ չենք տա` որևէ մեկը ճշմարտությունն աղավաղի: Ճշմարտություն եք ուզում մինչև վե՞րջ, կբացենք ճշմարտությունը մինչև վերջ»:

Նշենք, որ ԼԳԲՏ– համայնքի ներկայացուցիչներն օրերս «Համարձակ քայլի՛ր, Նիկոլ» և «Բարև, Երևան» կարգախոսներով ակցիա են անցկացրել Հայաստանում։ Համացանցում տարածված տեսանյութում երևում է, թե երկու տղաներն ու երկու աղջիկներն ինչպես են ԼԳԲՏ համայնքի դրոշները բռնած լուսանկարվում հանրային վայրերում։ Որոշ կադրերում երիտասարդները համբուրվում են։

Նշենք` հոկտեմբերին ՀՀ կառավարությունն արգելել էր Երևանում ԼԳԲՏ ֆորում անցկացնել։

Ըստ թեմայի

Հայաստանում ԼԳԲՏ ֆորում չի անցկացվի. Օսիպյան
ՄԱԿ-ի հատուկ զեկուցողին մտահոգել են Երևանում ԼԳԲՏ համաժողովի չկայացման պատճառները
Հայ համասեռամոլ մատուցողը և Փաշինյանի «գլխացավանքը». ո՞վ է անում ԼԳԲՏ համաժողովի PR–ը

Գլխավոր թեմաներ