22:34 14 դեկտեմբերի 2018
Ուղիղ եթեր
  • USD484.87
  • GBP609.92
  • EUR547.37
  • RUB7.30
Արևային կայան

Հայաստանը կսկսի արևային էներգիայի նոր քարտեզ կազմել

© Sputnik / Asatur Yesayants
Հայաստան
Ստանալ կարճ հղումը
193 0 0

Հայաստանում արևային էներգիայի մանրամասն քարտեզ կկազմեն՝ կայանների միացման համար պայմաններով։

ԵՐԵՎԱՆ, 25 նոյեմբերի — Sputnik. 2019թ-ին Հայաստանը կսկսի կազմել արևային էներգիայի նոր քարտեզ։ ՀՀ էներգետիկ ենթակառուցվածքների և բնական պաշարների փոխնախարար Հակոբ Վարդանյանը Sputnik Արմենիայի թղթակցին հայտնեց, որ Համաշխարհային բանկն արդեն հավանություն է տվել կառավարության դրամաշնորհային հայտին։

Մի քանի տարի առաջ Հայաստանում կազմել էին արևային էներգիայի քարտեզը՝ կրկին ՀՄ օգնությամբ։ Այնտեղ նշված է, թե որքան ուժեղ է արևի ճառագայթումը երկրի մարզերում։ Իմանալով այդ մասին՝ կարելի է հաշվարկել ապագա կայանի հզորությունը։

«Հիմա մենք կլրացնենք այդ քարտեզը։ Առայժմ քարտեզի վրա նշված են կայանների հեռանկարային կետերը, իսկ մենք տեղեկություններ կավելացնենք այն մասին, թե այդ կետերից ինչ հեռավորության վրա են գտնվում էլեկտրահաղորդման լարերը և ինչ լարվածություն ունեն դրանք։ Այսինքն մենք կկազմենք գրեթե պատրաստի տեխնիկական պայմաններ կայանների համար», - նշեց Վարդանյանը։

Ծրագիրը կսկսվի 2019թ-ին և կտևի մի քանի տարի։ Համաշխարհային բանկը դրա համար կհատկացնի 4 միլիոն դոլար։

Հիշեցնենք, որ Հայաստանում արդեն սկսել են իրականացնել 1 ՄՎտ հզորությամբ արևային 10 կայանների շինարարությունը։

2018 թվականի հուլիսին էներգետիկայի նախարարությունը համաձայնագիր է ստորագրել ավելի խոշոր կայանի` 55 ՄՎտ հզորությամբ արևային «Մասրիկ-1» էլեկտրակայանի շինարարությանն աջակցելու համար։ Կայանի շինարարությունն իրականացնելու է նիդեռլանդա-իսպանական կոնսորցիումը։ Միջազգային տենդերի ժամանակ ՀՀ էլցանցերի համար նրանք ամենացածր գինն էին առաջարկել` 1 ԿՎտ/ժ-ի դիմաց ընդամենը 4,2 ցենտ (մոտ 20 դրամ)։

Բացի այդ, հանրապետությունում մինչև 150 ԿՎտ հզորությամբ արդեն մի քանի տասնյակ ավտոնոմ արտադրող կա։ Դրանք տնային տնտեսություններն են ու փոքր բիզնեսը, որոնք սեփական կարիքների համար արևային վահանակներ են տեղադրում իրենց տանիքներին։

Այդուհանդերձ, արևային կայանները Հայաստանում էլեկտրաէներգիայի արտադրության միայն 0,007%-ն են կազմում (2017 թվականին մոտ 540 հազար ԿՎտ/ժ)։

Ըստ թեմայի

Հայաստանը մինչև 2019 թվականի ավարտն արևային էժան էներգիա կստանա
«Ոսկե արև». ինչպես Հայաստանի ցուրտ ու աղքատ քաղաքները կկարողանան փող աշխատել
Ինչպես ապրի գյուղացին, իսկ ծառերը չկտրվեն. Գերմանիան կօգնի Հայաստանին պահպանել անտառները
Իսպանացիները «կարավելլաներ» բարձրացրին հայկական լեռներ. մաքուր էներգիայի նոր նախագիծը
թեգերը:
Հայաստան

Գլխավոր թեմաներ