20:38 13 դեկտեմբերի 2019
Ուղիղ եթեր
  • USD477.51
  • GBP640.53
  • EUR533.90
  • RUB7.66
Արսեն Թորոսյան, Սամվել Գրիգորյան

Պայքար ՁԻԱՀ–ի դեմ. ո՞ր մարզում է իրավիճակն առավել ողբալի

© Sputnik / Nana Martirosyan
Հայաստան
Ստանալ կարճ հղումը
313 0 0

Հայաստանում ՄԻԱՎ–ով վարակվելու դեպքերը 4 անգամ ցածր են տարածաշրջանային ցուցանիշից։

ԵՐԵՎԱՆ, 3 դեկտեմբերի — Sputnik. Հայաստանում ՄԻԱՎ–ով վարակվածների և ՁԻԱՀ–ով հիվանդների ամենաբարձր ցուցանիշն արձանագրվել է աշխատանքային միգրացիայի բարձր մակարդակ ունեցող մարզերում։ Այս մասին Sputnik Արմենիայի թղթակցի հետ զրույցում ասաց ՁԻԱՀ–ի կանխարգելման հանրապետական կենտրոնի տնօրեն Սամվել Գրիգորյանը։

Ցուցակում առաջին տեղը զբաղեցնում է Շիրակի մարզը, այնուհետև գալիս են Լոռու, Գեղարքունիքի, Արմավիրի և Արարատի մարզերը։ Վարակվածների 70%–ը տղամարդիկ են, 30%–ը` կանայք։

2018 թվականի դեկտեմբերի 1-ի դրությամբ Հայաստանում ՄԻԱՎ–ով վարակված 3300 մարդ կա գրանցված։ Նրանց 90%–ն անվճար բուժում է ստանում։ Ընդ որում` 1820 մարդ (նրանցից 20-ից ավելին ՀՀ քաղաքացի չեն հանդիսանում) հակառետրովիրուսային բուժում են անցնում։

Մեծահասակների շարքում ՄԻԱՎ–ով վարակվածների թիվը 0.2% է կազմում, ինչը 4 անգամ ցածր է տարածաշրջանի ցուցանիշից։

Որևէ ռիսկային խմբում ՄԻԱՎ–վարակի տարածվածությունը չի գերազանցում 5%–ը, իսկ հղի կանանց շարքում այդ ցուցանիշը 1%–ից ցածր է։

Միևնույն ժամանակ, ՀՀ առողջապահության նախարարի պաշտոնակատար Արսեն Թորոսյանը ՁԻԱՀ–ի դեմ պայքարի համաշխարհային օրվա առիթով կազմակերպած միջոցառման ժամանակ հայտնեց, որ Հայաստանն աշխարհում չորրորդն ու եվրոպական տարածաշրջանում առաջիններից մեկն է, որ կարողացել բացառել մորից երեխային ՄԻԱՎ–ի փոխանցումը։

Նա նկատեց, որ ներկա պահին երկրում իրականացվում է ՁԻԱՀ–ի կանխարգելման 4-րդ պետական ծրագիրը, որը նախատեսված է մինչև 2021 թվականը։

«ՄԻԱՎ–ի կանխարգելման ծրագիրն իրականացվում է երկրի քաղաքներում և գյուղերում, այդ թվում նաև բնակչության խոցելի խմբերի շարքում` միգրանտների և նրանց ընտանիքների անդամների։ ՁԻԱՀ–ի կանխարգելման հանրապետական կենտրոնի շրջիկ կլինիկաներն ու բրիգադները համապատասխան բուժօգնություն են ցուցաբերում, օրինակ` թեստավորում անցկացնում տեղում», – ասաց ՀՀ առողջապահության նախարարի պաշտոնակատարը։

Հայաստանում Ռուսաստանի դեսպան Սերգեյ Կոպիրկինն իր հերթին նշեց, որ Ռուսաստանը Արևելյան Եվրոպայի և Կենտրոնական Ասիայի երկրներին իմունային վարակների կանխարգելման և վերահսկման ոլորտում  ֆինանսական աջակցություն է ցուցաբերում։ Այդ ծրագրի երկրորդ փուլի իրականացման շրջանակում ռուսական կողմը Հայաստանին ավելի քան 2 մլն դոլար է տրամադրել։

Դեսպանը վստահեցրեց, որ Ռուսաստանը կշարունակի իր ներդրումը այդ հիվանդության դեմ պայքարում։ Ավելին, Ռուսաստանի կառավարությունը մտադիր է միջոցներ տրամադրել ՁԻԱՀ–ի կանխարգելման պետական թիրախային ծրագրի ևս մեկ փուլ իրականացնելու համար։

Ըստ թեմայի

«Ծակվիր». ՀՀ առողջապահության նախարարը նոր ծրագրով ՁԻԱՀ-ի ստուգում է անցել
Ինչպես նորաձևությունը կարող է նպաստել ՄԻԱՎ/ՁԻԱՀ-ի դեմ պայքարին Հայաստանում. Fashion Aids Line.
Մոլորակը պայքարում է ՁԻԱՀ–ի դեմ. այն խլել է ավելի քան 37 միլիոն մարդու կյանք
թեգերը:
Հայաստան

Գլխավոր թեմաներ