02:30 19 դեկտեմբերի 2018
Ուղիղ եթեր
  • USD484.72
  • GBP613.27
  • EUR551.42
  • RUB7.27
Արա Բաբլոյան

Սաբոտա՞ժ, թե՞ պատահականություն. ինչո՞ւ պատգամավորները նիստի չեն եկել

© Sputnik / Asatur Yesayants
Հայաստան
Ստանալ կարճ հղումը
33601

Պատգամավոր Արամ Հարությունյանին անձեռնմխելիությունից զրկելու հարցով նիստին պատգամավորների ¾-ի չներկայանալը նրանց գործընկերները տարբեր կերպ են որակում` սաբոտաժից մինչև պատահականություն ու ընկերասիրություն:

ԵՐԵՎԱՆ, 4 դեկտեմբերի – Sputnik. Կաշառքի ու փողերի լվացման մեջ մեղադրվող ԱԺ ՀՀԿ խմբակցության պատգամավոր Արամ Հարությունյանին պատգամավորական անձեռնմխելիությունից զրկելու հարցի քննարկումը հետաձգվեց մինչև 14:00-ն: Այդ ժամին է լրանալու ԱԺ կանոնակարգ օրենքով քվորումի ապահովման համար հատկացված ժամանակը:

Իսկ մինչ ներկաները սպասում են իրենց բացակա ընկերներին, լրագրողներն ԱԺ դահլիճից դուրս փորձում են ճշտել, թե ինչու է այս հարցի քննարկումն այսքան քիչ թվով մարդկանց հետաքրքրել:

ՀՀԿ խմբակցության անդամ Խոսրով Հարությունյանը, որն ամենաբազմամարդ խմբակցության նիստին ներկայացած եզակի պատգամավորներից մեկն է, լրագրողների հարցին ի պատասխան վստահեցրեց, որ նիստին չներկայանալու որոշում ՀՀԿ-ն չի կայացրել:

«Եթե նիստը չկայանա, քրեական գործի իրավական ընթացքը դրանից չի ձախողվի»,- ասաց Հարությունյանը:

Депутат от фракции РПА Хосров Арутюнян на внеочередном заседании НС (19 июня). Еревaн
© Sputnik / Aram Nersesyan
Խոսրով Հարությունյան

Նրա համոզմամբ` ԱԺ նիստի տապալումը ոչ թե սաբոտաժ է, այլ ուղղակի պատահականություն`պայմանավորված քաղաքական ուժերի` նախընտրական քարոզչությամբ զբաղված լինելու հանգամանքով:

«Ելք» խմբակցության պատգամավոր Ալեն Սիմոնյանը, հակառակը, տեղի ունեցածը հենց սաբոտաժ է համարում: «Դիտավորյալ են անում: Չեն գալիս, որ իրենց ընկերոջը չհանձնեն»,- լրագրողներին ասաց Սիմոնյանը:

Ален Симонян после заседания Национального Собрания РА (1 ноября 2018). Ереван
© Sputnik / Asatur Yesayants
Ալեն Սիմոնյան

Անդրադառնալով ԱԱԾ–ի` երեկ հրապարակած բացահայտումներին` Սիմոնյանը նշեց. «Գումարն ահռելի է: Չխախտենք, իհարկե, անմեղության կանխավարկածը, բայց ես վստահ չեմ, որ այդ 14 մլն դոլարը միայն մի գրպան է գնացել»:

«Ելք» խմբակցության անդամ, «Լուսավոր Հայաստան» կուսակցության նախագահ Էդմոն Մարուքյանին էլ քվորումի բացակայությունը չի զարմացրել:

«Ակնհայտ էր, որ չեն գալու և նիստ չի լինելու: Ես կարծում եմ, որ մինչև ընտրություններ քվորում չի լինի»,- ասաց Մարուքյանը` հիշեցնելով, որ այդ պարագայում գործող խորհրդարանի բոլոր պատգամավորները կպահպանեն իրենց անձեռնմխելիությունը մինչև նոր ընտրված խորհրդարանի երդման արարողության օրը:

Депутат от фракции Елк Эдмон Марукян на внеочередном заседании НС (7 июня 2018). Еревaн
© Sputnik / Asatur Yesayants
Էդմոն Մարուքյան

Այսինքն` միայն նորընտիր խորհրդարանի առաջին նիստի օրը իրավապահներն Արամ Հարությունյանին ձերբակալելու ու կալանավորելու հնարավորություն կստանան: Մարուքյանը ևս չբացառեց, որ հայտարարված բացահայտումը կարող է մի ամբողջ կոռուպցիոն շղթայի մաս լինել:

ՀՀԿ պատգամավոր Արամ Հարությունյանին անձեռնմխելիությունից զրկելու հարցով հրավիրված ԱԺ նիստին այս պահին ներկա է 26 պատգամավոր` «Ելք», ՀՅԴ, ԲՀԿ խմբակցության մի քանի ներկայացուցիչներ, ՀՀԿ-ից նիստը վարող ԱԺ նախագահ Արա Բաբլոյանը, խոսրով Հարությունյանը, Կնյազ Հասանովն ու ՀՀԿ-ն լքած Շիրակ Թորոսյանը: ԱԺ Կանոնակարգ օրենքի 51-րդ հոդվածի 4-րդ մասի համաձայն` Արա Բաբլոյանը հայտարարեց, որ նիստը շարունակվում է, քվեարկությունը մնում է բաց մինչև քվորումի համար անհրաժեշտ 53 պատգամավորների գրանցումը, բայց ոչ ավելի, քան 4 ժամ` մինչև 14:00-ն:

Հիշեցնենք` ՀՀ գլխավոր դատախազությունը երեկ հայտարարել էր, որ 14 մլն դոլար կաշառքի ու այդ փողերի լվացման փաստով հարուցված քրեական գործով մեղադրանք է ներկայացվել ԱԺ ՀՀԿ խմբակցության պատգամավոր, նախկին բնապահպանության նախարար Արամ Հարությունյանին։ Գլխավոր դատախազը դիմել էր ԱԺ նախագահին` Արամ Հարությունյանին անձեռնմխելիությունից զրկելու հարցով ԱԺ արտահերթ նիստ հրավիրելու միջնորդությամբ: ՀՀ վարչապետի պաշտոնակատար Նիկոլ Փաշինյանը Արարատի մարզի բնակիչների հետ իր հանդիպման ընթացքում հայտարարել էր, որ կասկածներ ունի, որ այդ գումարները հոսել են նաև դեպի վերև:

Ըստ թեմայի

Արամ Հարությունյանի շուրջ օղակը սեղմվում է. «Ժողովուրդ»
Փաշինյանը կասկածում է, որ Արամ Հարությունյանը 14 մլն դոլարը դրել է գրպանն ու պտտվել

Գլխավոր թեմաներ