ԵՐԵՎԱՆ, 4 դեկտեմբերի — Sputnik. Քննչական կոմիտեի նախագահի տեղակալ, զինվորական քննչական գլխավոր վարչության պետ Արտակ Կրկյաշարյանն այս պահին գտնվում է դեպքի վայրում, որտեղ այսօր վթարի է ենթարկվել ԶՈՒ ՍՈւ-25 մարտական ինքնաթիռը։
Ինչպես տեղեկացնում են ՀՀ քննչական կոմիտեից, Քննչական կոմիտեի զինվորական քննչական գլխավոր վարչությունում քննություն է սկսվել ԶՈՒ ՍՈւ-25 մարտական ինքնաթիռի վթարի դեպքի առթիվ:
Այս պահին դեպքի վայր է ուղևորվել քննչական օպերատիվ խումբը Քննչական կոմիտեի նախագահի տեղակալ, զինվորական քննչական գլխավոր վարչության պետ Արտակ Կրկյաշարյան գլխավորությամբ:
Հիշեցնենք, որ ամենօրյա մարտական պատրաստության պլանով ուսումնամարզական թռիչք իրականացնող ՀՀ զինված ուժերի ՍՈւ-25 մարտական ինքնաթիռի հետ կապը կորել է դեկտեմբերի 4-ին, ժամը 10.20-ի սահմանում։
Ինքնաթիռը թռիչքային երթուղի էր դուրս եկել ժամը 10.06-ին Գյումրու օդանավակայանից:
Ավելի ուշ Սու-25 մարտական ինքնաթիռը հայտնաբերվել է Մարալիկի տարածաշրջանի լեռներում։ Անձնակազմի 2 անդամը`փոխգնդապետ Արմեն Բաբայանը, մայոր Մովսես Մանուկյանը զոհվել են։
