10:42 19 դեկտեմբերի 2018
Ուղիղ եթեր
  • USD484.72
  • GBP613.27
  • EUR551.42
  • RUB7.27
Զոհրաբ Մնացականյանը և Ֆեդերիկա Մոգերինին քննարկել են ղարաբաղյան հակամարտության խնդիրները

Զոհրաբ Մնացականյանը և Ֆեդերիկա Մոգերինին քննարկել են ղարաբաղյան հակամարտության խնդիրները

© Photo : press office of the MFA of RA
Հայաստան
Ստանալ կարճ հղումը
25 0 0

Կողմերը քննարկել են նաև Հայաստանի և ԵՄ նորացող հարաբերությունները, Հայաստանի հետ համապարփակ և ընդլայնված գործընկերության համաձայնագրի իրականացումը։

ԵՐԵՎԱՆ, 4 դեկտեմբերի — Sputnik. ՀՀ արտգործնախարարի պաշտոնակատար Զոհրաբ Մնացականյանն այսօր հանդիպել է ԵՄ արտաքին հարաբերությունների և անվտանգության քաղաքականության հարցերով բարձր ներկայացուցիչ Ֆեդերիկա Մոգերինիի հետ։

Այս մասին տեղեկացնում են ՀՀ ԱԳՆ մամուլի ծառայությունից։

Կողմերը քննարկել են Հայաստանի և ԵՄ նորացող հարաբերությունները, Հայաստանի հետ համապարփակ և ընդլայնված գործընկերության համաձայնագրի իրականացումը, ինչպես նաև ղարաբաղյան հակամարտության կարգավորման հեռանկարները:

Նշենք, որ Հայաստան-ԵՄ համապարփակ և ընդլայնված գործընկերության մասին համաձայնագիրը նախատեսում է ընդլայնել համագործակցությունը տնտեսական, իրավական, կրթական, մարդասիրական և այլ ոլորտներում։ Դրա հետ մեկտեղ այն կազմվել է այնպես, որպեսզի չհակասի Հայաստանի եվրասիական ինտեգրման շրջանակներում իրականացվող գործընթացներին։

ԵՄ-Հայաստան համաձայնագիրը ստորագրվել է 2017թ.–ի նոյեմբերի 24-ին Բրյուսելի «Արևելյան գործընկերության» գագաթնաժողովում։

 

Ըստ թեմայի

Հայաստանի և Եվրամիության միջև նոր համաձայնագիրն ուժի մեջ է մտնում հունիսի 1–ից
Եվրամիության հետ պայմանագրի 80 տոկոսն է ուժի մեջ մտել
Փաշինյանը դժգոհ է Եվրամիության անհասկանալի կեցվածքից
թեգերը:
Զոհրաբ Մնացականյան, Եվրամիություն

Գլխավոր թեմաներ