18:46 26 ապրիլի 2019
Ուղիղ եթեր
  • USD481.33
  • GBP621.06
  • EUR536.06
  • RUB7.43
Նիկոլ Փաշինյան

Փաշինյանը ցավակցական հեռագիր է հղել Անդրեյ Բիտովի մահվան կապակցությամբ

© Sputnik / Asatur Yesayants
Հայաստան
Ստանալ կարճ հղումը
37 0 0

Նրա «Հայաստանի դասերը» դարձել են դասեր նաև մեզ համար, նշել է Փաշինյանը։

ԵՐԵՎԱՆ, 4 դեկտեմբերի — Sputnik. Վարչապետի պաշտոնակատար Նիկոլ Փաշինյանը ցավակցական հեռագիր է հղել հայտնի ռուս գրող Անդրեյ Բիտովի մահվան կապակցությամբ:

«Խոր ցավով տեղեկացա հայտնի ռուս գրող Անդրեյ Բիտովի մահվան մասին: Նրա անունը հատկապես թանկ է հայ ընթերցողի և ողջ հայ ժողովրդի համար: Հայաստանում մշտապես հիացել են ոչ միայն Անդրեյ Բիտովի վառ տաղանդով, նրա ստեղծագործությունների խորությամբ և թարմությամբ, այլև նրա համարձակ դիրքորոշմամբ, ազատության հանդեպ սիրով և մտավորականի անթերի կերպարով:

Ցավակցություններս եմ հայտնում Անդրեյ Բիտովի ընտանիքին, ընկերներին և նրա արվեստի հազարավոր երկրպագուներին: Ի դեմս Անդրեյ Բիտովի՝ հայ ժողովուրդը հրաժեշտ է տալիս իր անկեղծ բարեկամին: Թող հարգելի Անդրեյ Գեորգիի հոգին հանգչի խաղաղությամբ: Նրա «Հայաստանի դասերը» դարձել են դասեր նաև մեզ համար»,–իր ցավակցական հեռագրում գրել է Նիկոլ Փաշինյանը:

Անդրեյ Բիտովը ռուս ականավոր գրող է, ռուս գրականության մեջ պոստմոդեռնիստականուղղության հիմնադիրներից մեկը։ Ծնվել է 1937 թվականի մայիսի 27–ին Սանկտ Պետերբուրգում։

 

թեգերը:
Ռուսաստան

Գլխավոր թեմաներ