17:20 08 դեկտեմբերի 2019
Ուղիղ եթեր
  • USD478.03
  • GBP627.41
  • EUR530.47
  • RUB7.50
Գլխավոր դատախազություն

Դատախազությունը բողոք կներկայացնի Մանվել Գրիգորյանին կալանքից ազատ արձակելու որոշման դեմ

Official site of the Prosecutor General's office of RA
Հայաստան
Ստանալ կարճ հղումը
Մանվել Գրիգորյանի շուրջ ծավալված իրադարձությունները (215)
229 0 0

Գլխավոր դատախազությունը ստացել է Մանվել Գրիգորյանին գրավի դիմաց արձակելու որոշումը։

ԵՐԵՎԱՆ, 22 դեկտեմբերի – Sputnik. ՀՀ գլխավոր դատախազությունը վերաքննիչ բողոք կներկայացնի ԵԿՄ նախկին նախագահ, գեներալ-լեյտենանտ Մանվել Գրիգորյանին գրավի դիմաց կալանքից ազատ արձակելու վերաբերյալ առաջին ատյանի դատարանի որոշման դեմ։ Sputnik Արմենիային այս մասին ասաց Դատախազության հանրային կապերի բաժնի պետ Արևիկ Խաչատրյանը։

«Գլխավոր դատախազությունը ստացել է դատարանի որոշումը, այն հիմնավոր չէ և Դատախազությունը վերաքննիչ բողոք է ներկայացնելու դատարանի որոշման դեմ»,-ասաց Արևիկ Խաչատրյանը։

Երեկ` դեկտեմբերի 21-ին, Երևան քաղաքի ընդհանուր իրավասության դատարանը որոշեց ազատ արձակել գեներալ Մանվել Գրիգորյանին։ Նրան ազատ արձակեցին 25 մլն դրամ գրավի դիմաց։

Հիշեցնենք` ԱԱԾ-ն հունիսի 17-ին տեսանյութ էր հրապարակել` ներկայացնելով ՀՀ Արմավիրի մարզի Արշալույս գյուղի Լճափնյա փողոցում գտնվող, Մանվել Գրիգորյանին սեփականության իրավունքով պատկանող հանգստյան գոտում, ինչպես նաև Էջմիածին քաղաքի Ալավերդյան փողոցի տուն 46 հասցեում տեղակայված և Գրիգորյանին պատկանող առանձնատան կատարված խուզարկության արդյունքները:

Մանվել Գրիգորյանը մեղադրվում է ապօրինի կերպով ռազմամթերք ձեռք բերելու և պահելու, ինչպես նաև առանձնապես խոշոր չափերով գույք հափշտակելու մեջ։ Դատարանը երեք անգամ երկարաձգել էր նրա կալանքի ժամկետը:

թեմա:
Մանվել Գրիգորյանի շուրջ ծավալված իրադարձությունները (215)

Ըստ թեմայի

Սա քաղաքական դիվերսիա է․ Էջմիածնում բողոքում են Մանվել Գրիգորյանին ազատ արձակելու դեմ
Մանվել Գրիգորյանի մոտ 16 հիվանդություն է հայտնաբերվել. մանրամասներ է հայտնում փաստաբանը

Գլխավոր թեմաներ