22:22 26 մայիսի 2019
Ուղիղ եթեր
  • USD480.03
  • GBP609.35
  • EUR537.15
  • RUB7.44
Մանվել Գրիգորյան

Դատախազությունը բողոքարկում է Մանվել Գրիգորյանի կալանքը փոխելու որոշումը

© Photo: Union of "Yerkrapah" official site
Հայաստան
Ստանալ կարճ հղումը
Մանվել Գրիգորյանի շուրջ ծավալված իրադարձությունները (168)
70 0 0

ՀՀ դատախազությունը բողոքն արդեն տարել է վերաքննիչ դատարան, որն արդեն մուտքագրվել է։

ԵՐԵՎԱՆ, 24 դեկտեմբերի — Sputnik. ՀՀ գլխավոր դատախազությունը բողոքարկում է Մանվել Գրիգորյանի կալանքը փոխելու որոշումը։ Այս մասին ֆեյսբուքյան իր էջում գրել է ՀՀ գլխավոր դատախազի խորհրդական Գոռ Աբրահամյանը։

«Նկատի ունենալով հանրային լայն հետաքրքրությունը՝ տեղեկացնում եմ, որ Մանվել Գրիգորյանի նկատմամբ այլընտրանքային խափանման միջոց գրավը կիրառելու վերաբերյալ Ընդհանուր իրավասության առաջին ատյանի դատարանի որոշման դեմ ՀՀ դատախազությունը վերաքննիչ բողոք է տարել, որն արդեն մուտքագրվել է»,–տեղեկացրել է Աբրահամյանը:

Հիշեցնենք, որ Երևանի ընդհանուր իրավասության դատարանը դեկտեմբերի 21-ին 25 մլն դրամ գրավի դիմաց որոշում էր կայացրել ազատ արձակել գեներալ-լեյտենանտ Մանվել Գրիգորյանին։ Դրանից անմիջապես հետո Էջմիածնում բողոքի ակցիաներ էին սկսվել։ Ինքնադատաստանի հնարավոր փորձերը կանխելու նպատակով, Գրիգորյանին տեղափոխել են Արմավիրի մարզի Ակնալիճ գյուղ, որտեղ նա առանձնատուն ունի։ Ոստիկանությունն այնտեղ շուրջօրյա վերահսկողություն է իրականացնում։

Մանվել Գրիգորյանի պաշտպան Լևոն Բաղդասարյանն այսօր լրագրողների հետ հանդիպմանն ասել էր, որ բողոքի ակցիաները ուղղորդվում են ոստիկանության կողմից։

Մանվել Գրիգորյանին կալանավորել էին (պատգամավորական անձեռնմխելիությունից զրկելուց հետո) այս տարվա հունիսին` ապօրինի զենք պահելու և զինվորների համար նախատեսված պարենամթերքը յուրացնելու մեղադրանքով։ ՀՔԾ–ն նրա առանձնատանը խուզարկություն էր իրականացրել։ Ուժային մարմինների աշխատակիցները այնտեղ զինվորների համար նախատեսված մեծ թվով պարենամթերք էին հայտնաբերել։

թեմա:
Մանվել Գրիգորյանի շուրջ ծավալված իրադարձությունները (168)

Ըստ թեմայի

Մանվել Գրիգորյանն իր առանձնատանն է. Օսիպյան
Ոտքի՛, դատարանն է գալիս. նոր Հայաստանի ամենաաղմկահարույց ձերբակալություններն ու կալանքները
Դատարանների վրա աննախադեպ ճնշումներ են եղել. Մանվել Գրիգորյանի փաստաբան
թեգերը:
Մանվել Գրիգորյան, ՀՀ դատախազություն, Հայաստան

Գլխավոր թեմաներ