01:16 19 հունվարի 2019
Ուղիղ եթեր
  • USD485.42
  • GBP628.13
  • EUR553.38
  • RUB7.31
Արմեն Գրիգորյան

Արմեն Գրիգորյանը Կարագանդայի դեպքը քննարկել է Ղազախստանի նախագահի օգնականի հետ

© Photo: official site of the Prime minister of RA
Հայաստան
Ստանալ կարճ հղումը
Հայերի մասնակցությամբ միջադեպ Կարագանդայում (15)
127 0 0

ՀՀ անվտանգության խորհդրի քարտուղարը ցավակցել է սպանված երիտասարդի հարազատներին։

ԵՐԵՎԱՆ, 8 հունվարի – Sputnik. ՀՀ անվտանգության խորհրդի քարտուղար Արմեն Գրիգորյանն այսօր` հունվարի 8-ին, հեռախոսազրույց է ունեցել Ղազախստանի Հանրապետության նախագահի օգնական, ԱԽ քարտուղար Գաբիթ Բայժանովի հետ: Այս մասին նշված է Գրիգորյանի ֆեյսբուքյան էջում։

Հեռախոսազրույցի ընթացքում կողմերը մտքեր են փոխանակել Կարագանդայում ստեղծված իրավիճակի շուրջ:

ՀՀ ԱԽ քարտուղարն իր խորին ցավակցություններն է փոխանցել սպանված Ժանսեիտ Բակըտժանուլի հարազատներին և մերձավորներին:

Երկուստեք ընդգծվել է կենցաղային հողի վրա ծագած վեճի հետևանքով տեղի ունեցած ողբերգության` ազգամիջյան խնդրի վերածելու անթույլատրելիությունը:

Երկու երկրների ԱԽ քարտուղարներն առանձնահատուկ կարևորել են բազմակողմանի ու թափանցիկ քննության և հանցագործության բոլոր մեղավորներին բացառապես օրենքի և արդարադատության շրջանակում պատասխանատվության ենթարկելու անհրաժեշտությունը:

Միաժամանակ կարևորվել է երկու երկրների համապատասխան գերատեսչությունների միջև անմիջական կապի շարունակականության ապահովման կարևորությունը:

Հիշեցնենք` դեկտեմբերի 31-ի, լույս հունվարի 1-ի գիշերը Ղազախստանի Կարագանդա քաղաքի «Հին հռոմ» ռեստորանում վիճաբանություն էր տեղի ունեցել, որն ավարտվել էր դանակահարությամբ։ 23-ամյա երիտասարդը մահացել է, ևս երեքը` տուժել։

Վեճի մասնակիցների հստակ թիվը հայտնի չէ, բայց, որոշ տվյալների համաձայն, վեճին մի քանի տասնյակ մարդիկ են մասնակցել։

Ներկա պահին ծեծկռտուքին ակտիվ մասնակցություն ունեցած ութ մարդկանց նկատմամբ կալանավորելու որոշում է կայացվել։ Մեկի նկատմամբ հայտարարվել է միջազգային հետախուզում։ ՆԳՆ–ում հաղորդել են, որ ծեծկռտուքի բոլոր մասնակիցների դերակատարությունը կպարզվի։

Սուլեյմենովի խոսքով` Ամանորի գիշերը հանցագործության մեջ կասկածվող անձանց շարքում կան ինչպես Ղազախստանի, այնպես էլ Հայաստանի քաղաքացիներ։

Հայտնի է դարձել, որ հետախուզության մեջ գտնվող Նարեկ Գուրուրյանը հունվարի 1–ի երեկոյան անցել է Ղազախստանի Պավլոդարի շրջանի պահակակետով և մտել Ռուսաստանի տարածք։

թեմա:
Հայերի մասնակցությամբ միջադեպ Կարագանդայում (15)

Ըստ թեմայի

Սպանության հետքերով. հայերին ուղղված սպառնալիքներից հետո Ղազախստանում քրգործ են հարուցել
Կարագանդայի հայերը ներողություն են խնդրել ողբերգական սպանությունից հետո. տեսանյութ
Գերզգայուն հարց է. ազգամիջյան երանգ տալը դատապարտելի է. ՀՀ ԱԳՆ–ն`Ղազախստանի դեպքերի մասին
Հայերի մասնակցությամբ վեճի հետքերով. ինչպես է սպանությունը մանիպուլյացիայի գործիք դառնում
Իրավիճակը գերզգայուն է. ՀՀ–ի և Ղազախստանի ԱԳՆ ղեկավարները խոսել են Կարագանդայի դեպքի մասին
Քննարկել են հայերի մասնակցությամբ վեճի մանրամասները. ի՞նչ է Կասիմովը խոստացել Օսիպյանին
թեգերը:
Հայաստան

Գլխավոր թեմաներ