11:42 19 հունվարի 2019
Ուղիղ եթեր
  • USD485.42
  • GBP628.13
  • EUR553.38
  • RUB7.31
Манвел Григорян

Մանվել Գրիգորյանի դատը հետաձգվեց. նիստն ուղեկցվում էր բողոքի ակցիայով

© Photo: Union of "Yerkrapah" official site
Հայաստան
Ստանալ կարճ հղումը
Մանվել Գրիգորյանի շուրջ ծավալված իրադարձությունները (127)
19812

Մանվել Գրիգորյանի կալանքի հարցով վերաքննիչ դատական նիստը հետաձգվեց։ Մանվել Գրիգորյանը դեռ կմնա ազատության մեջ։

ԵՐԵՎԱՆ, 11 հունվարի — Sputnik. Մանվել Գրիգորյանի կալանքի հարցով Վերաքննիչ դատական նիստն ընդհատվեց։ Այս մասին դռնփակ նիստից դուրս գալով լրագրողներին հայտնեց Գրիգորյանի փաստաբան Արսեն Մկրտչյանը։

«Նիստը հետաձգվել է զուտ տեխնիկական պատճառով. որոշակի փաստաթղթերի անհրաժեշտություն կա` միջնորդությունը տրամադրելու համար։ Տրամադրվել է ողջամիտ ժամկետ, նիստը կկայանա մեկ այլ օր»,– ասաց Մկրտչյանը` նշելով, որ հաջորդ նիստի օրն այս պահին հայտնի չէ։

Նշենք, որ վերաքննիչ դատարան էր դիմել դատախազությունը` բողոք ներկայացնելով Մանվել Գրիգորյանի կալանքը գրավով փոխարինելու դեմ ընդհանուր իրավասության դատարանի որոշման դեմ։

Ինքը` Մանվել Գրիգորյանը, դատական նիստին չէր մասնակցում, փաստաբանի խոսքով` վատառողջ լինելու պատճառով։

Դատական նիստն ուղեկցվում էր դատարանի բակում ընթացող բողոքի ակցիայով, որի մասնակիցները դատարանից պահանջում էին կալանքի ենթարկել Մանվել Գրիգորյանին։

Հիշեցնենք, որ Երևանի ընդհանուր իրավասության դատարանը դեկտեմբերի 21-ին գեներալ-լեյտենանտ Մանվել Գրիգորյանին 25 մլն դրամ գրավի դիմաց կալանքից ազատ արձակելու որոշում էր կայացրել։

Դրանից անմիջապես հետո Էջմիածնում բողոքի ակցիաներ էին սկսվել։ Ինքնադատաստանի հնարավոր փորձերը կանխելու նպատակով, Գրիգորյանին տեղափոխել են Արմավիրի մարզի Ակնալիճ գյուղ, որտեղ նա առանձնատուն ունի։ Ոստիկանությունն այնտեղ շուրջօրյա վերահսկողություն է իրականացնում։

ՀՀ Գլխավոր դատախազությունը դեկտեմբերի 24-ին վերաքննիչ բողոք էր ներկայացրել` Մանվել Գրիգորյանի նկատմամբ կիրառված գրավը դարձյալ կալանքով փոխելու միջնորդությամբ։

թեմա:
Մանվել Գրիգորյանի շուրջ ծավալված իրադարձությունները (127)

Ըստ թեմայի

Ռոբերտ Քոչարյանը Նոր տարին կդիմավորի՞ տանը. փաստաբանները չեն բացառում
Նորաձև մեկուսարան Ծաղկաձորում, կամ ինչպես արաբական ձևերով թափ տալ հարստացած հայերին
Մկրտչյան. «Երբ ինձ ասոցացնում են Մանվել Գրիգորյանի հետ, ես ասում եմ, որ հպարտ եմ դրանով»
թեգերը:
Մանվել Գրիգորյան

Գլխավոր թեմաներ