14:51 19 մարտի 2019
Ուղիղ եթեր
  • USD486.52
  • GBP644.88
  • EUR552.15
  • RUB7.53
Անձնագիր

Ինչպես է տրանսգենդերն անձնագիր ստացել Հայաստանում. «օվիրը» պարզաբանել է

© Sputnik / Aram Nersesyan
Հայաստան
Ստանալ կարճ հղումը
37201

Սոցցանցերում տարաբնույթ քննարկման թեմա է դարձել տեղեկությունն այն մասին, որ տրանսգենդերը կնոջ անունով անձնագիր է ստացել։ Պատասխանատու կառույցները պարզաբանել են, թե ինչպես է դա տեղի ունեցել։

ԵՐԵՎԱՆ, 11 հունվարի — Sputnik. Հայաստանում տրանսգենդերը կնոջ անունով անձնագիր է ստացել։ Այս լուրը բուռն քննարկման թեմա է դարձել համացանցի հայկական տիրույթում։

Մեկնաբանությունների տարափը սկսվեց այն բանից հետո, երբ «Իրավունքի կողմ» իրավապաշտպան հասարակական կազմակերպությունը շնորհավորեց տրանսգենդեր Դիանա Ղզրոյանին անձնական տվյալների փոփոխմամբ անձնագիր ստանալու առթիվ։

Շատերը տարակուսեցին, թե ինչ հիմքերով է իրականացվել սեռափոխությունն ու անվանափոխությունը։

Իրավապաշտպան կազմակերպությունում նշեցին, որ ՔԿԱԳ-ի հետ «Իրավունքի կողմ» իրավապաշտպան հասարակական կազմակերպությունն աշխատում է 2016թ․-ից, և նրանց հետ փոխհամագործակցության արդյունքում հեշտացվել է բազմաթիվ տրանսգենդեր անձանց անվանափոխության գործընթացը։

«Եվ այժմ հնարավոր է անվանափոխություն կատարել ` առանց նախկինում պարտադիր համարվող անվանափոխվող անձի տրանսգենդեր լինելը փաստող 3 անձանց վկայության և պարտադիր հոգեբանական եզրակացության», – նշված է կազմակերպության հայտարարության մեջ։

Միևնույն ժամանակ Արդարադատության նախարարության մամուլի ծառայությունից Sputnik Արմենիային հայտնեցին, որ «Քաղաքացիական կացության ակտերի գրանցման մասին» օրենքն ընդունվել է 2005 թվականին, և օրենքում որևէ փոփոխություն չի եղել։ Հետևաբար, անձի անվանափոխության համար հիմք է հանդիսացել հայտարարությունն առ այն, որ անձը փաստացի կրում է իր ծննդյան գրանցման մեջ նշված անունից տարբերվող անուն։

ՀՀ ոստիկանության Անձնագրային և վիզաների վարչության պետ Մնացական Բիչախչյանն իր հերթին հայտնեց, որ անվանափոխությունը տեղի է ունեցել ՔԿԱԳ–ում, իսկ արդեն համապատասխան փաստաթղթի հիման վրա տվյալ անձը անձնագիր է ստացել։ Նրա խոսքով` տրանսգենդերի անձնագրում նշված է, որ նա արական սեռի է։ Համացանցում հայտնված անձնագրի լուսանկարներում, մեր ունեցած տեղեկության համաձայն, սեռին վերաբերող տվյալը ֆոտոշոպ է արվել։

Ըստ թեմայի

Արցախում համասեռամոլի են ծեծե՞լ. Արտակ Բեգլարյանը բացահայտում է լուսանկարի գաղտնիքը
Կառավարությունը մերժեց նույնասեռականների ամուսնությունն արգելող օրենքի նախաձեռնությունը
թեգերը:
Հայաստան

Գլխավոր թեմաներ