11:37 19 հունվարի 2019
Ուղիղ եթեր
  • USD485.42
  • GBP628.13
  • EUR553.38
  • RUB7.31
Լոլիկներ

Լոլիկ աճեցնելու 2-րդ փորձ․ Ջերմոցային ասոցիացիան եվրոպացի ներդրողներին կբերի Հայաստան

© Sputnik / Asatur Yesayants
Հայաստան
Ստանալ կարճ հղումը
8110

Նրանք նախկինում էլ են եկել, բայց չեն կարողացել պայմանավորվել Սյունիքի նախկին «տիրակալի»՝ Սուրիկ Խաչատրյանի հետ։ Այժմ իշխանափոխությունից հետո կրկին կփորձեն։

ԵՐԵՎԱՆ, 12 հունվարի — Sputnik. Արևմտյան Եվրոպայի ներդրողները կրկին կուսումնասիրեն Հայաստանում ջերմոցներ կառուցելու հնարավորությունները։ Այդ մասին Sputnik Արմենիայի թղթակցին ասաց Հայաստանի Ջերմոցային ասոցիացիայի նախագահ Պողոս Գևորգյանը։

«Այդ ներդրողները եկել էին երկու տարի առաջ, ուզում էին աշխատել Սյունիքի մարզում։ Զանգեզուրի լեռներում մենք շատ լավ տեղ էինք գտնել՝ հիանալի լուսավորություն, մաքուր հող։ Բայց չկարողացանք պայմանավորվել այն ժամանակվա մարզպետ Սուրիկ Խաչատրյանի հետ», - ասաց Գևորգյանը։

Իշխանափոխությունից հետո եվրոպացիները նորից են եկել։ Ընդ որում, Գևորգյանը նրանց «խորհրդային հետքերով» կտանի Սևանա լճից ոչ հեռու գտնվող Դդմաշեն գյուղ։ Դեռ 80-ականների վերջին այստեղ 1000 հա տարածք են ընտրել խոշոր ջերմոցային համալիրի համար։ Հողը հրաբխային լեռների վայրում է և հարուստ է միկրոէլեմենտներով։ Այստեղ ավելի քան 300 օր արև կա, իսկ ջուրը շատ մաքուր է։

«Այդ ամենը ստույգ է, ոչ թե աչքաչափով։ Այլապես եվրոպացիներին հենց այնպես չես համոզի։ Նրանք եկել են այստեղ, նմուշներ վերցրել անալիզի համար։ Իսկ երբ մենք տեղում չափեցինք լուսավորությունը, նրանք ասացին՝ այստեղ նույնիսկ մշուշոտ եղանակին ավելի շատ լույս կա, քան Հոլանդիայում արևոտ եղանակին։ Ջուրը և հողը տարել են անալիզի։ Շուտով պատրաստվում են վերադառնալ», - ասում է Գևորգյանը։

Իրենց երկրում ներդրողներն արդեն պետական դրամաշնորհ են ստացել և պատրաստվում են հայկական կողմի հետ համատեղ ձեռնարկություն ստեղծել։ Եվրոպացիները տեխնոլոգիաներ կբերեն շինարարության համար, բայց հայ ինժեներներն անմասն չեն մնա։ Ջերմոցների կմախքները հավաքելու համար տեղի ընկերություններից մեկը բազալտե մանրաթելերից արմատուրա է առաջարկել։ Որպեսզի եվրոպացիները համաձայնեն նման նյութ ընդունել, դրա նմուշները լաբորատոր փորձարկումներ են անցնում Ֆրանսիայում։

Նշենք, որ Հայաստանում գործում են ավելի քան տասնյակ արդյունաբերական, խոշոր ջերմոցներ և մի քանի հարյուր ոչ մեծ գյուղացիական։

Ըստ թեմայի

Գործարարների և ձեռներեցների համար. ինչպիսի՞ հարկեր կլինեն Հայաստանում
Դեմքով դեպի աշխատավոր դասը. ՀՀ իշխանությունն ի՞նչ հարկեր կքննարկի 2019 թվականին
թեգերը:
Հայաստան

Գլխավոր թեմաներ