01:14 23 մարտի 2019
Ուղիղ եթեր
  • USD485.86
  • GBP636.57
  • EUR549.22
  • RUB7.58
Արարատ Միրզոյան

Արարատ Միրզոյանն ընտրվեց ԱԺ նախագահի պաշտոնում

© Sputnik / Asatur Yesayants.
Հայաստան
Ստանալ կարճ հղումը
22220

ՀՀ ԱԺ–ն արդեն նոր նախագահ ունի։

ԵՐԵՎԱՆ, 14 Հունվար — Sputnik. Քիչ առաջ խորհրդարանում ավարտվեց ԱԺ նախագահի ընտրության փակ գաղտնի քվեարկությունը։ 7–րդ գումարման ԱԺ–ն միաձայն ԱԺ նախագահի պաշտոնում ընտրեց Արարատ Միրզոյանին։ 

132 նորընտիր պատգմավորներից 131–ը կողմ է քվեարկել Արարատ Միրզոյանի թեկնածությանը։

Ինչպես հայտարարեց Հաշվիչ հանձնաժողովի նախագահ վահագն Հովակիմյանը՝ ԱԺ բոլոր 132 պատգամավորները մասնակցել են քվեարկությանը, 1 քվեաթերթիկ համարվել է անվավավեր, 131-ը` կողմ:

Ընտրության արդյունքների հրապարակումից հետո Արարատ Միրզոյանը շնորհակալություն հայտնեց գործընկերներին վստահության համար, ապա անձամբ մոտեցավ դահլիճում ներկա խմբակցությունների ղեկավարներին ու ձեռքսեղմումով հայտնեց իր երախտագիտությունը:

Ապա Արարատ Միրզոյանը ԱԺ նախագահությունում գրավեց իր տեղը, որը մինչ այդ զբաղեցնում էր Կյազ Հասանովը՝ որպես տարիքով ամենաավագ պատգամավոր:

Արարատ Միրզոյանը 2000 թվականին ավարտել է ԵՊՀ պատմության ֆակուլտետի բակալավրիատը, 2002 թվականին՝ նույն ֆակուլտետի մագիստրատուրան, 2004 թվականին՝ ՀՀ Պետական կառավարման ակադեմիան, 2005 թվականին՝ ՀՀ ԳԱԱ Հայոց ցեղասպանության թանգարան-ինստիտուտի ասպիրանտուրան, որտեղ պաշտպանել է թեկնածուական ատենախոսություն և ստացել գիտությունների թեկնածուի աստիճան։

Աշխատել է «Ավրորա մրցանակ և 100 կյանք» նախաձեռնության հետազոտական խմբի ղեկավար «Հայաստանի զարգացման նախաձեռնություններ» (IDEA) հիմնադրամում, «Բազմակուսակցական ժողովրդավարության Նիդեռլանդական հիմնադրամում» (NIMD) որպես քաղաքական և ռազմավարական պլանավորման փորձագետ, «Ընտրական համակարգերի միջազգային հիմնադրամում» (IFES) որպես ընտրողների իրազեկման ծրագրի համակարգող:

Եղել է գիտաշխատող ՀՀ ԳԱԱ Հայոց ցեղասպանության թանգարան-ինստիտուտում:

Աշխատել է Հայաստանի ազգային արխիվում որպես արխիվագետ:

Դասախոսել է Երևանի պետական համալսարանում։

 

Ըստ թեմայի

Օլիգարխն ուրիշ է, կլասիկը՝ ուրիշ. Ծառուկյանը պատասխանեց լրագրողների հարցերին
Սուպերվարչապետության համակարգը կարող է վերացվել. Միրզոյան
Ի՞նչ է արվել վերջին 8 ամսում և ի՞նչ պետք է արվի. քննարկել են նախագահն ու վարչապետը
թեգերը:
Արարատ Միրզոյան, ՀՀ Ազգային ժողով

Գլխավոր թեմաներ