10:51 29 մարտի 2020
Ուղիղ եթեր
  • USD498.43
  • GBP608.88
  • EUR548.22
  • RUB6.40
Հայաստան
Ստանալ կարճ հղումը
7–րդ գումարման Ազգային ժողով (79)
102611

Նախկին նախարարը խոստովանում է`երեխաների օրգանների վաճառքի կասկածներ ունեցել է դեռ 10 տարի առաջ։

ԵՐԵՎԱՆ, 17 հունվարի — Sputnik. Աշխատանքի և սոցիալական հարցերի նախկին նախարար, ԱԺ «Բարգավաճ Հայաստան» խմբակցության պատգամավոր Գևորգ Պետրոսյանն այսօր ԱԺ ամբիոնից հայտարարեց` որդեգրվող երեխաների օրգանների վաճառքի վերաբերյալ կասկածներ ունեցել է դեռ 10 տարի առաջ։

«2009թ.–ին, երբ ես ղեկավարում էի Աշխատանքի և սոցիալական հարցերի նախարարությունը, անդրադարձա այդ հարցին, և ինձ զգուշացրեցին` դու շատ վտանգավոր խաղ ես խաղում» ,– ասաց Պետրոսյանը։

Նա նաև շեշտեց, որ արտերկրից հայ երեխաներին որդեգրում են հիմնականում հարուստ մարդիկ։

«Երկու միլիարդատեր, ասենք` բելգիացի, գալիս են ՀՀ–ից հոգեկան հիվանդ որդեգրելու։ Պարզ չէ՞` ինչի համար էին որդեգրում։ Կասկածներ կային, որ այդ երեխային, նրա մարմնի մասերը, օրգանները նրանք հետագայում օգտագործելու են այլ նպատակներով»,– ասաց Գևորգ Պետրոսյանը։

Պատգամավորն առաջարկում է «մանրադիտակով նայել որդեգրման բոլոր դեպքերն» ու հնարավորինս խստացնել օպտարերկրյա քաղաքացիների կողմից ՀՀ–ի երեխաների որդեգրման գործընթացը` դարձնելով գրեթե անհնարին։

Հիշեցնենք` հունվարի 9-ին կառավարության նիստի ընթացքում, երեխաների որդեգրման մասին օրենքի նախագծի քննարկման ժամանակ դեռևս փոխվարչապետի պաշտոնը զբաղեցնող Արարատ Միրզոյանը հայտարարեց, որ երեխաներին որդեգրում են նրանց օրգանները վաճառելու նպատակով: Իսկ երբ հայտարարությունն անհանգստացրեց կառավարության անդամներին ու վարչապետին, Միրզոյանը հավելեց՝ ըստ օդում կախված լուրերի:

թեմա:
7–րդ գումարման Ազգային ժողով (79)

Ըստ թեմայի

Հայաստանում որդեգրված երեխան իր մասին ճշմարտությունն իմանալու իրավունք կստանա
Չե՞ք լսել, դիմեք Արարատ Միրզոյանին. երեխաների օրգանների վաճառքի թեման հասավ ԱԺ
թեգերը:
ՀՀ Ազգային ժողով, Հայաստան

Գլխավոր թեմաներ