18:46 24 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Տատու

Քրեական հեղինակություն Վստրեչի ապերը համաներումով ազատ արձակվեց դատարանի դահլիճից

© Sputnik / Алексей Мальгавко
Հայաստան
Ստանալ կարճ հղումը
211 0 0

Վստրեչի ապերն ու իր ամբաստանյալ ընկերն ազատ արձակվեցին դատարանի դահլիճից։

ԵՐԵՎԱՆ, 17 հունվարի — Sputnik. Երևան քաղաքի ընդհանուր իրավասության դատարանն այսօր որոշեց Վստրեչի ապեր մականունով հայտնի Արամ Վարդանյանի ու նրա հետ ամբաստանյալի կարգավիճակում գտնվող Գարեգին Իսկանդարյանի նկատմամբ համաներում կիրառել։

Հրապարակված դատավճռի համաձայն`դատարանը որոշել է «Արամ Վարդանյանի ու Գարեգին Իսկանդարյանի նկատմամբ քրեական հետապնդումը դադարեցնել, քրեական գործը կարճել և գրավի գումարներն օրինական հիմքով վերադարձնել գրավատուներին»։

Ընդհանուր իրավասության դատարանի որոշումը բողոքարկելու համար տրվում է մեկամսյա ժամկետ։

Հիշեցնենք`Արամ Վարդանյանին մեղադրանք էր առաջադրվել այն բանի համար, որ նա 2017թ․ հուլիսի 17-ին կազմակերպել, ղեկավարել և անձամբ մասնակցել էր մի խումբ անձանց կողմից նախնական համաձայնությամբ Նորագավիթ թաղամասում գտնվող «Արամիս» սուպերմարկետի շրջակայքից բռնության գործադրմամբ, զենքի սպառնալիքով Մամիկոն Բագրատունու բացահայտ առևանգմանը։ Նույն գործով մեղադրանք էր առաջադրված նաև Գարեգին Իսկանդարյանին` Բագրատունուն առևանգելու համար։

Նրանց երկուսի նկատմամբ էլ, որպես խափանման միջոց էր ընտրվել գրավը։

Արամ Վարդանյանը ձերբակալվել էր 2018թ.–ի հուլիսի 30-ին Դուբայի օդանավակայանում, իսկ հոկտեմբերի 1–ին Միացյալ Արաբական Էմիրություններից արտահանձնվել Հայաստանին։

Ըստ թեմայի

Կանանց գաղութը Հայաստանում. միֆեր և իրականություն
Համաներվածները կրկնակի հանցագործություններ են անում
Սարսափելի սպանության մասին․ ինչպես վարվել Մհեր Ենոքյանի հետ, և ինչ կապ ունի իշխանությունը

Գլխավոր թեմաներ