16:50 22 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
Թաթա Սիմոնյան

Թաթան համազգային է, բայց պիտի վճարի. ՊԵԿ նախագահ

© Sputnik / Aram Nersesyan
Հայաստան
Ստանալ կարճ հղումը
159 0 0

Դավիթ Անանյանը ներկայացրեց, թե ինչ ընթացքում է երգիչներին հարկելու գործընթացը։ Նա վստահեցրեց, որ արտոնյալներ չեն լինելու։

ԵՐԵՎԱՆ, 24 հունվարի — Sputnik. Թաթան ոչ միայն մերն է, այլ բոլորինը, համազգային է, բայց արտոնյալ չէ։ Այսօր` հունվարի 24-ին, լրագրողների հետ զրույցում, մեկնաբանելով երգիչներին հարկելու նախաձեռնությունն ու մամուլում հայտնված տեղեկությունը, թե ՊԵԿ նախագահը հրահանգել է Թաթային «ձեռք չտալ»` ասաց Դավիթ Անանյանը։

«Այդպիսի հայտարարություն չի եղել, և չի կարող լինել։ Ոչ ոք արտոնյալ չէ»,– ասաց Անանյանը։

Պետեկամուտների կոմիտեի նախագահը նաև տեղեկացրեց, որ հարկային տեսուչները հսկում են երգիչների եկամուտները` այցելելով ռեստորաններ, ժամանցի վայրեր։

«Հորդորում են, որ, եթե լինում են հավաքույթներ, իրենք սահմանված կարգով ձևակերպեն այդ մարդկանց աշխատանքը»,– ասաց Անանյանը։

ՊԵԿ նախագահը նշեց նաև, որ իր` դեռևս անցյալ տարվա հայտարարությանը շոու բիզնեսի ներկայացուցիչներից ոչ ոք առայժմ չի արձագանքել։ Նրանց օրենքով շուրջ 2 ամիս ժամանակ է տրվել։

«Մինչև մարտի 15-ը եկամտահարկի ամփոփ տարեկան հաշվետվություն ներկայացնելու վերջնաժամկետն է։ Այսինքն, մարդիկ դեռ ունեն ժամանակ»,– ասաց Անանյանը։

Հիշեցնենք` սեպտեմբերի 10-ին ՊԵԿ նախագահն ասել էր, որ հայ երգիչները տասնամյակներ շարունակ հարկային հայտարարագրեր չեն ներկայացրել:

Ընդ որում, ՊԵԿ նախագահի խոսքը հիմնականում վերաբերում էր ռեստորաններում երգող անհատ կատարողներին, քանի որ դասական երաժիշտները (օրինակ` Տիգրան Մանսուրյանը) կանոնավոր կերպով հարկային հայտարարագրեր են կազմում և հարկ վճարում։

ՊԵԿ–ը բազմաթիվ անգամ դիմել է շոու բիզնեսի ներկայացուցիչներին` խնդրելով հաշվառման կանգնել հարկային մարմիններում, հայտարարագրել եկամուտները և բարեխիղճ հարկ վճարող դառնալ` միևնույն ժամանակ հիշեցնելով, որ ապօրինի ձեռնարկատիրական գործունեությունը քրեական պատասխանատվություն է նախատեսում։

Ըստ թեմայի

Ինչո՞ւ են ավտովաճառողները պահանջում չեղյալ հայտարարել չվճարված հարկերը
Կառուցապատողները վաճառված բնակարանների գները կեղծել են հարկերից խուսափելու համար. ՊԵԿ
Թող դիլերները նվիրատվության միջոցով չխուսափեն հարկերից, եկեք ազնիվ լինենք. Անանյան
Գործարարների և ձեռներեցների համար. ինչպիսի՞ հարկեր կլինեն Հայաստանում
Դեմքով դեպի աշխատավոր դասը. ՀՀ իշխանությունն ի՞նչ հարկեր կքննարկի 2019 թվականին
թեգերը:
Հայաստան

Գլխավոր թեմաներ