13:18 20 ապրիլի 2019
Ուղիղ եթեր
  • USD482.31
  • GBP627.00
  • EUR542.36
  • RUB7.54
Աշոցքում դահուկային կենտրոն բացվեց

Աշոցքը Ծաղկաձորի այլընտրանք դարձավ. լուսանկարներ

© Sputnik / Armenuhi Mkhoyan
Հայաստան
Ստանալ կարճ հղումը
146850

Նորաբաց կենտրոնում կարող են մարզվել և՛ դահուկավազքի սիրահարները, և՛ պրոֆեսիոնալ մարզիկները։

ԵՐԵՎԱՆ, 26 հունվարի – Sputnik, Արմենուհի Մխոյան. Շիրակի ամենացուրտ տարածաշրջանում՝ Աշոցքում, այսօր` հունվարի 26-ին, դահուկային կենտրոն բացվեց:

Կենտրոնի նպատակն է նպաստել Աշոցք համայնքին, զարգացնել դահուկավազքի ներուժը, խթանել ձմեռային զբոսաշրջությունը, ինչպես նաև օգնել մարզիկներին մասնակցելու մրցույթների ու վերապատրաստումների:

«Ուրախ եմ, որ այսօր կարողանում ենք նաև դահուկային մարզաձևը զարգացնել Աշոցքում։ Բացի Ծաղկաձորից, այս կենտրոնով այլընտրանք ենք ստեղծում՝ կարողանալով նաև մարզաձևը զարգացնել այս տարածաշրջանում, հնարավորություն տալով մասսայականացնել այն»,- կենտրոնի բացման ժամանակ ասաց Հայաստանի դահուկային սպորտի ֆեդերացիայի նախագահ Արթուր Հարությունյանը:

Արտակ Մանուկյանը թեև 3 տարեկան է, բայց հենց ոտքի է կանգնել, դահուկային սպորտի հավաքականի նախկին մարզիկ հայրիկի օգնությամբ հագել է դահուկները ու փորձել սահել:

Открытие лыжного центра в Ашоцке (26 января 2019). Ширак
© Sputnik / Armenuhi Mkhoyan
Արտակ Մանուկյան

«Ճիշտ է` մարզաձևով երկար ժամանակ չեմ զբաղվել, բայց սպորտը մեր մեջ է: Հիմա, փառք աստծուն, հնարավորություն կա մեր տարածաշրջանում զբաղվելու դահուկային սպորտով։ Երեխային ավելի հաճախ կբերենք դահուկով զբաղվելու, սա նաև առողջարար է»,- Sputnik Արմենիային ասաց հայրը՝ Բագրատ Մանուկյանը:

Открытие лыжного центра в Ашоцке (26 января 2019). Ширак
© Sputnik / Armenuhi Mkhoyan
Աշոցքում դահուկային կենտրոն բացվեց

Կենտրոնը լայն հնարավորություններ է ընձեռում նաև պրոֆեսիոնալ մարզիկներին:

Հայաստանի հաշմանդամների «Փյունիկ» միության անդամ, Հայաստանի ազգային պարալիմպիկ կոմիտեի մարզիկ Ստաս Նազարյանն արդեն մի քանի օր է` մարզումներն անցկացնում է Աշոցքում:

Открытие лыжного центра в Ашоцке (26 января 2019). Ширак
© Sputnik / Armenuhi Mkhoyan
Ստաս Նազարյան

«Ծաղկաձորն ու Աշոցքը տարբեր են: Ծաղկաձորը լեռնադահուկային սպորտաձևերի համար է լավ, Աշոցքը՝ դահուկավազքի: Շատ լավ վազքուղի է: Ես շատ եմ եղել միջազգային վազքուղիներում, և Աշոցքը ոչնչով չի զիջում: Ուրախ եմ, որ Հայաստանում ունեցանք դահուկային սպորտը զարգացնելու այսպիսի հնարավորություն»,- ասաց մարզիկը՝ հավելելով, որ պատրաստվում է առաջիկայում մասնակցել փետրվարին Կանադայում կայանալիք Աշխարհի առաջնությանը:

Դահուկային կենտրոնը ղեկավարում է Հայաստանի դահուկասպորտի ֆեդերացիան՝ Աշոցք համայնքի հետ համատեղ: Կենտրոնը բացվել է Եվրոպական միության ֆինանսական աջակցությամբ:

Открытие лыжного центра в Ашоцке (26 января 2019). Ширак
© Sputnik / Armenuhi Mkhoyan
Աշոցքում բացված դահուկային կենտրոնում

Գլխավոր թեմաներ