22:49 23 օգոստոսի 2019
Ուղիղ եթեր
  • USD475.99
  • GBP581.09
  • EUR526.40
  • RUB7.25
Մանվել Գրիգորյան

Գեներալ Մանվելը դատի է տվել Սիլվա Համբարձումյանին` իրեն զրպարտելու համար

© Insurance Foundation for Servicemen official fb page
Հայաստան
Ստանալ կարճ հղումը
Մանվել Գրիգորյանի շուրջ ծավալված իրադարձությունները (201)
163 0 0

Փաստաբանը գործարարի հայտարարությունը նենգ սուտ է անվանել` նշելով, որ Մանվել Գրիգորյանի պատիվը կվերականգնի դատարանում։

ԵՐԵՎԱՆ, 1 փետրվարի — Sputnik. Հայաստանի հանրապետական խմբակցության նախկին պատգամավոր Մանվել Գրիգորյանը դատի է տվել գործարար Սիլվա Համբարձումյանին, ուրբաթ լրագրողներին հաղորդեց նրա փաստաբան Լևոն Բաղդասարյանը։

«Այդ անձն անչափահասների հետ կապված ինչ-որ բան է հայտարարել է` նշելով, որ Մանվել Գրիգորյանը հանցագործություն է կատարել։ Դա նենգ սուտ է։ Դրա հիման վրա մենք դիմել ենք դատարան», – ասաց Բաղդասարյանը։

Նրա խոսքով` հայցում ոչ մի գումար չի նշվել, հարցը Գրիգորյանի պատիվն ու արժանապատվությունը վերականգնելն է։

Ավելի վաղ Սիլվա Համբարձումյանը «Հրապարակ» թերթին տված հարցազրույցում հայտարարել էր, Մանվել Գրիգորյանը միայն «տուշոնկայի» և զինամթերք պահելու մեղադրանքներով չպետք է դատվի, այլ նաև երեխաների բռնաբարությունների։

Հիշեցնենք, որ «Երկրապահ» կամավորական միության նախկին նախագահ, պատգամավոր Մանվել Գրիգորյանին կալանավորել էին (պատգամավորական անձեռնմխելիությունից զրկելուց հետո) 2018 թվականի հունիսին` ապօրինի զենք պահելու և զինվորների համար նախատեսված պարենամթերքը յուրացնելու մեղադրանքով։

2018թ–ի հունիսի 17-ին ԱԱԾ–ն տեսանյութ էր հրապարակել` ներկայացնելով ԵԿՄ նախագահ Մանվել Գրիգորյանին պատկանող ՀՀ Արմավիրի մարզի Արշալույս գյուղի Լճափնյա փողոցում գտնվող հանգստյան գոտում, ինչպես նաև Էջմիածին քաղաքի Ալավերդյան փողոցի տուն 46 հասցեում տեղակայված և Գրիգորյանին պատկանող առանձնատան կատարված խուզարկության արդյունքները:

Դատարանը նախաքննական մարմնի միջնորդությամբ նրա նկատմամբ խափանման միջոց էր ընտրել կալանքը։

Ավելի ուշ այն փոխարինվել էր 25 մլն դրամ գրավով։ Դատախազությունը բողոքարկել էր այս որոշումը Վերաքննիչ դատարանում` պահանջելով նրա նկատմամբ ուժի մեջ թողնել կալանավորման մասին որոշումը։

Վերաքննիչ դատարանը հունվարի 22-ին բավարարել էր միջնորդությունը։ Նույն օրը երեկոյան Մանվել Գրիգորյանը դարձյալ կալանավորվել է։

թեմա:
Մանվել Գրիգորյանի շուրջ ծավալված իրադարձությունները (201)

Ըստ թեմայի

Նախկին պատգամավոր Մանվել Գրիգորյանի կրկնակի կալանքն անօրինական է. փաստաբան
Մանվել Գրիգորյանին զրկեցին Արմավիրի պատվավոր քաղաքացու կոչումից
Գլխավոր դատախազը խոսել է Մանվել Գրիգորյանի գործի և ցուցարարների հետ շփման մասին
թեգերը:
Մանվել Գրիգորյան

Գլխավոր թեմաներ