ԵՐԵՎԱՆ, 4 փետրվարի — Sputnik. Մամուլում տարածված տեղեկություններով, փետրվարի 1-ին ՀՀ երրորդ նախագահ Սերժ Սարգսյանը մի քանի ժամ եղել է Հատուկ քննչական ծառայությունում։
Ինչպես գրում է armtimes.com կայքը, Սերժ Սարգսյանը մոտ 5 ժամ հարցաքննվել է Մարտի 1-ի գործի շրջանակում` որպես վկա։ Ըստ նույն աղբյուրի` նրա հարցաքննությունը կշարունակվի:
ՀՔԾ-ից Sputnik Արմենիային հայտնեցին, որ այս տեղեկությունը չեն մեկնաբանում:
Հիշեցնենք` ավելի վաղ ՀՀ հատուկ քննչական ծառայության պետ Սասուն Խաչատրյանը լրագրողների հարցին ի պատասխան նշել էր, որ բոլորը հարցաքննվելու են, այդ թվում՝ Սերժ Սարգսյանը:
