09:17 18 փետրվարի 2019
Ուղիղ եթեր
  • USD487.51
  • GBP624.60
  • EUR550.11
  • RUB7.32
Գյուղ

Համայնքը զորավոր է. անցանկալի գյուղապետների ճակատագիրը կորոշվի հանրաքվեով

© Sputnik / Ashot Gevorgyan
Հայաստան
Ստանալ կարճ հղումը
96 0 0

Տարածքային կառավարման նախարարությունն առաջարկում է հնարավորություն տալ համայնքին օրինական կարգով ազատվելու անցանկալի գյուղապետերից։

ԵՐԵՎԱՆ, 11 փետրվարի — Sputnik. Կան համայնքապետներ, որոնք ընտրվել են տարբեր չարաշահումների արդյունքում, և այսօր որոշ համայնքների բնակիչների կողմից կա արդարացի պահանջ։ Համայնքի բնակիչները չեն ցանկանում այլևս աշխատել այդ համայնքապետի հետ։

Խնդրի լուծման համար Տարածքային կառավարման նախարարությունը նախաձեռնել է ՏԻՄ օրենքի փոփոխություն։ Նախարարը չմանրամասնեց, թե ինչ փոփոխություններ են արվելու, բայց նշեց, որ համայնքի անցանկալի ղեկավարից ազատվելու իրավունքի հիմքում պետք է լինի հանրաքվեի ինստիտուտը։

«Հանրաքվեով համայնքը կարտահայտի` կողմ է արդյոք տվյալ համայնքապետի հետագա գործունեությանը, թե ոչ։ Սա չի վերաբերում բոլոր համայնքներին, այլ միայն խնդրահարույցներին»,– ասաց Պապիկյանը։

Լրագրողների հարցին, թե ինչպես են որոշվելու խնդրահարույց համայնքները, Պապիկյանը պատասխանեց. «Մենք չենք առաջնորդվում կուսակցական պատկանելությամբ, մենք չենք առաջնորդվում կուսակցական ռասիզմով։ Մեզ համար կարևոր է համայնքի բնակչի ցանկությունը և ձայնը»,– ասաց նա։

Որպես ապացույց Սուրեն Պապիկյանը հայտարարեց, որ «Քաղաքացիական պայմանագիր» կուսակցությունն առաջիկա ՏԻՄ ընտրություններում որևէ թեկնածու չի առաջադրել ու չի հայտարարել նրանց պաշտպանելու մասին` անգամ եթե նրանք ՔՊ անդամներ են։

Նախարարի խոսքով` համայնքի ղեկավարներից դժգոհող գյուղերն այսօր Հայաստանում մի քանիսն են։ Հենց այդ համայնքների բնակիչների խնդիրը լուծելու համար է, որ նախարարությունը նախաձեռնել է տեղական հանրաքվեներ նախատեսել ՏԻՄ օրենքներում։

Նշենք, որ գործող օրենսդրությամբ համայնքի ղեկավարի նոր ընտրություն է նշանակվում միայն գործող համայնքապետի հրաժարականի, մահվան կամ պաշտոնեական պարտականությունները կատարելու անհնարինության դեպքերում։

Ըստ թեմայի

«Նման հույս չունենաք. ամեն ինչ չի սկսվելու նորից». Փաշինյանը` համայնքների ղեկավարներին
Որոշ համայնքների բնակիչներ այսօրվանից կերթևեկեն նոր երթուղայիններով
Հայաստանում դադարեցվել է գյուղական համայնքների խոշորացման ծրագիրը. մեկնաբանում է նախարարը
թեգերը:
Սուրեն Պապիկյան, Հայաստան

Գլխավոր թեմաներ