01:57 19 հունիսի 2019
Ուղիղ եթեր
  • USD477.78
  • GBP598.37
  • EUR534.35
  • RUB7.43
Վալերի Օսիպյան

Օսիպյանը դժգոհ է ոստիկանության բացահայտումների թվերից. տեսանյութ

© Photo: official site of the Police of RA
Հայաստան
Ստանալ կարճ հղումը
123 0 0

Սեփականության դեմ ուղղված հանցագործություններն աճում են, գիշերային հրավառությունները չեն դադարում, խցանումները չեն վերանում։ Հայաստանի ոստիկանապետը հանձնարարել է ավելի լավ աշխատել։

ԵՐԵՎԱՆ, 16 փետրվարի — Sputnik. Փետրվարի 16-ին ոստիկանությունում տեղի ունեցած օպերատիվ խորհրդակցության ընթացքում ՀՀ ոստիկանապետ Վալերիյ Օսիպյանին են ներկայացվել ոստիկանության տարածքային բաժիններում կատարված բացահայտումների թվային տվյալները։

Ինչպես հայտնում են Ոստիկանության լրատվական ծառայությունից, Օսիպյանին դրանք չեն գոհացրել։ Նա ստորաբաժանումների պատասխանատուներին հանձնարարել է անձնական ուշադրության կենտրոնում պահել սեփականության դեմ ուղղված հանցագործությունների կանխման ու բացահայտման աշխատանքները, ինչպես նաև սեղմ ժամկետում իրականացնել անհրաժեշտ միջոցառումներ` իրավիճակը շտկելու և բացահայտումների դրական դինամիկա ապահովելու համար:

Ոստիկանապետը հանձնարարել է անցնել ուժեղացված ծառայության, առավել արդյունավետ պայքար մղել ապօրինի զենք-զինամթերքի հայտնաբերման, թմրամիջոցների անօրինական շրջանառության և կոռուպցիայի դեմ:

Խորհրդակցության ժամանակ նշվել է, որ քաղաքացիներից դեռևս ստացվում են բողոքներ՝ գիշերային ժամերին հրավառությունների վերաբերյալ։ Օսիպյանը հանձնարարել է խիստ հսկողություն սահմանել այս ուղղությամբ:

Ճանապարհային ոստիկանությանն էլ հանձնարարել է առավել ինտենսիվ ծառայություն կազմակերպել մայրաքաղաքում խցանումները բացառելու ուղղությամբ:

Օսիպյանն անդրադարձել է նաև կադրային քաղաքականությանը` նշելով, որ անհրաժեշտ է համակարգը համալրել բացառապես որակյալ կադրերով:

Իսկ լավ աշխատանքով աչքի ընկած կադրերից մեկը` Երևանում ավազակային հարձակումը կանխած ենթասպա Սևակ Բադալյանը, ոստիկանապետից պարգևատրում է ստացել։

Начальник полиции Валерий Осипян наградил прапорщика Севака Бадаляна (16 февраля 2019). Еревaн
Երևանում ավազակային հարձակումը կանխած ենթասպա Սևակ Բադալյանը ոստիկանապետից պարգևատրում է ստացել

Ըստ թեմայի

Փաշինյանը դժգո՞հ է Օսիպյանից. ո՞վ կփոխարինի նրան
Օսիպյանը անդրադարձել է ապօրինի որսի, ձկնագողության և ծառահատումների դեմ պայքարին
Օսիպյանն անակնկալ այցեր է կատարել ոստիկանության մի քանի ստորաբաժանումներ. տեսանյութ
Օսիպյանի պաշտոնի համար թեժ մրցակցություն է սկսվել. «Փաստ»
թեգերը:
Վալերի Օսիպյան, Հայաստան

Գլխավոր թեմաներ