ԵՐԵՎԱՆ, 20 փետրվարի – Sputnik. Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանն առաջարկում է ԱԺ արտաքին հարաբերությունների և պաշտպանության ու անվտանգության հարցերի մշտական հանձնաժողովի անդամներից ձևավորել պատգամավորական խումբ՝ Սիրիա մեկնելու համար։ Նա այս մասին գրել է Facebook սոցիալական ցանցում։
Բաբաջանյանը նշում է, որ Սիրիա առաքելություն ուղարկելու քայլն արժանացավ հակասական, իրարամերժ գնահատականների՝ ներառելով արտաքին քաղաքական ամենատարբեր շերտեր։ Այդ գնահատականների, հայտարարությունների ու կարծիքների հորձանուտում երկրորդական պլան մղվեցին բուն առաքելության ներկայացուցիչների՝ խմբի 83 անդամների անվտանգությանն առնչվող հարցերը։
«Դրան զուգահեռ մենք ունենք նաև սիրիահայ համայնքի անվտանգության խնդիրները, որոնք առկա էին ինչպես առաքելության ուղարկումից առաջ, այնպես էլ այսօր։ Այս խնդիրներով պայմանավորված՝ ես, որպես ԱԺ «Լուսավոր Հայաստան» խմբակցության պատգամավոր, Առաջարկս պահանջվող ընթացակարգերով կհասցեագրեմ նաև ԱԺ նախագահին և համապատասխան հանձնաժողովներին»,– նշում է պատգամավորը։
Նշենք, որ փետրվարի 8-ից հայկական հումանիտար առաքելությունը Սիրիայի Արաբական Հանրապետությունում է։
