11:20 20 հոկտեմբերի 2019
Ուղիղ եթեր
  • USD476.34
  • GBP614.19
  • EUR530.17
  • RUB7.45
Президент Серж Саргсян награжденает медалью За заслуги перед Отечеством 1-й степени Левона Саргсяна

ԱԱԾ–ն գիտի` որտեղ է թաքնվում Սերժ Սարգսյանի եղբայրը

© Photo: official site of the President of RA
Հայաստան
Ստանալ կարճ հղումը
ՀՀ նախագահ Սերժ Սարգսյան (165)
50520

ՀՀ քաղաքացիների արտահանձնումը բարդ ընթացակարգ է։ Դա այնքան էլ հեշտ չէ։ Բայց իրավապահներն այդ ուղղությամբ աշխատում են։

ԵՐԵՎԱՆ, 21 փետրվարի — Sputnik. Արթուր Վանեցյանը գիտի որտեղ են թաքնվել Հայաստանից փախած նախկին պաշտոնյաները։

Այսօր կառավարության նիստից հետո լրագրողների հետ ճեպազրույցում ԱԱԾ տնօրենը որոշ տվյալներ է հայտնել հետախուզման մեջ գտնվող հայտնի դեմքերի վերաբերյալ։

Այսպես, ԱԱԾ տվյալներով` բնապահպանության նախկին նախարար Արամ Հարությունյանը Հայաստանի սահմանն օրինական ճանապարհով չի հատել։ Իսկ Սերժ Սարգսյանի խնամի, «Սուրբ Գրիգոր լուսավորիչ» ԲԿ նախկին տնօրեն Արա Մինասյանն ու Սերժ Սարգսյանի եղբայր Լևոն Սարգսյանը օրինական ճանապարհով են հեռացել Հայաստանից։

«Այդ ժամանակ իրենց նկատմամբ որևէ խափանման միջոց կիրառված չի եղել։ Այդ իսկ պատճառով, ես` որպես ԱԱԾ ղեկավար, որևէ լիազորություն չունեի մարդու ազատ տեղաշարժի իրավունքը խոչընդոտելու»,– ասաց Վանեցյանը։

Նա նաև հայտնեց, որ ԱԱԾ–ում գիտեն, թե որտեղ է այժմ գտնվում Լևոն Սարգսյանը, բայց նրան Հայաստան վերադարձնելն այնքան էլ հեշտ չէ։

«Արաբական երկրից մեկում է գտնվում։ Գիտենք` մարդը ապրում է այսինչ երկրում, այսինչ հասցեում», – ասաց Վանեցյանը։

ԱԱԾ տնօրենը նաև հայտարարեց, որ ՀՀ քաղաքացիների արտահանձնումը բարդ ընթացակարգ է։ Դա այնքան էլ հեշտ չէ։ Բայց իրավապահներն այդ ուղղությամբ աշխատում են։

Հիշեցնենք, որ ապօրինի հարստացման և հայտարարագրման ենթակա գույքը թաքցնելու առթիվ հարուցված քրեական գործի շրջանակներում 2018 թվականի հուլիսի 7-ին առաջին ատյանի դատարանը Լևոն Սարգսյանի նկատմամբ խափանման միջոց էր ընտրել կալանավորումը և նրա նկատմամբ հետախուզում հայտարարել։

Հիշեցնենք նաև` նոյեմբերի 2-ին Արա Մինասյանի նկատմամբ հետախուզվում էր հայտարարվել: Մինասյանը ՀՀ նախկին նախագահ Սերժ Սարգսյանի փեսայի հայրն է։Ըստ Քննչական կոմիտեի՝ նոյեմբերի 2-ին տարածած հաղորդագրության՝ քննությամբ փաստական տվյալներ էին ձեռք բերվել չարաշահումների իրականացմանը «Սուրբ Գրիգոր Լուսավորիչ» բժշկական կենտրոն ՓԲ ընկերության նախկին տնօրենի առնչության վերաբերյալ։

«Նախնական քննության տվյալներով՝ «Սուրբ Գրիգոր Լուսավորիչ» բժշկական կենտրոն ՓԲ ընկերության նախկին տնօրենը 2016 թվականից մինչև 2017 թվականի սեպտեմբերի 30-ն ընկած ժամանակահատվածում նույն ընկերության մի շարք աշխատակիցների հանցակցությամբ, փաստաթղթեր կեղծելու և կեղծ փաստաթղթեր օգտագործելու միջոցով, խարդախությամբ առերևույթ հափշտակել է ՀՀ առողջապահության նախարարության և «Սուրբ Գրիգոր Լուսավորիչ» բժշկական կենտրոն ՓԲ ընկերության միջև կնքված «Պետության կողմից երաշխավորված անվճար և արտոնյալ պայմաններով անվճար բժշկական և սպասարկման ծառայությունների մատուցման մասին» պայմանագրի շրջանակներում ընդգրկված «Պետական հիմնարկների և կազմակերպությունների աշխատողների սոցիալական փաթեթով ապահովում» ծրագրով ՀՀ պետական բյուջեից հատկացված առանձնապես խոշոր չափերով գումարները: Նախաքննության ներկա փուլում հանցագործությամբ առերևույթ պատճառված վնասի չափը կազմում է 426.343.650 ՀՀ դրամ։

թեմա:
ՀՀ նախագահ Սերժ Սարգսյան (165)

Ըստ թեմայի

Սերժ Սարգսյանի եղբոր՝ հետախուզման մեջ գտնվող դուստրը ներկայացել է ՀՔԾ. ՀԺ
Փաշինյանը խոստացել է չմիջամտել ՀՀ նախկին նախագահ Սերժ Սարգսյանի եղբոր դեմ հարուցված գործին
Սերժ Սարգսյանի եղբոր խափանման միջոցի գործով բողոք է ներկայացվել
թեգերը:
ՀՀ Ազգային Անվտանգության ծառայություն. ԱԱԾ, Արթուր Վանեցյան, Հայաստան, Սերժ Սարգսյան

Գլխավոր թեմաներ