04:41 19 մարտի 2019
Ուղիղ եթեր
  • USD486.52
  • GBP644.88
  • EUR552.15
  • RUB7.53
Նիկոլ Փաշինյան

Ի՞նչ ընթացք ստացավ Նիկոլ Փաշինյանի հայտարարած «քասթինգը». «Հրապարակ»

© Sputnik / Asatur Yesayants
Հայաստան
Ստանալ կարճ հղումը
24110

«Հրապարակ» օրաթերթը զրուցել է մեկի հետ, ով մասնակցել է վարչապետի` դեռ ընտրություններից առաջ հայտարարած «քասթինգին»։

ԵՐԵՎԱՆ, 22 փետրվարի – Sputnik. Նիկոլ Փաշինյանը ընտրություններից առաջ հայտարարել էր կադրային բանկ ստեղծելու մասին և կոչ էր արել քաղաքացիներին կառավարություն ուղարկել իրենց CV-ները և մոտիվացիոն նամակները, թե ինչու են ուզում աշխատել և ինչ կարող են անել։ Դրանցից պետք է ընտրեին այն անձանց, որոնք կարող են հավակնել այս կամ այն պետական պաշտոնին։

«Հրապարակ» օրաթերթը տեղեկացել է, որ ստացվել է ավելի քան 2 հազար նամակ և CV, որոնցից ընտրվել է 50-ը։

«Այս մարդկանց հետ «Քաղպայմանագիր» կուսակցությունն օրեր առաջ «քասթինգ» է անցկացրել։ Ժյուրիի անդամները եղել են ԱԺ պատգամավոր, «Հայկական ժամանակի» նախկին թղթակից Հայկ Գևորգյանը, վարչապետի նախկին օգնական, այժմ պատգամավոր Արեն Մկրտչյանն ու վարչապետի օգնական Նաիրի Սարգսյանը՝ ԱԺ պատգամավոր Հայկ Սարգսյանի երկվորյակ եղբայրը»,– նշված է հոդվածում։

Ըստ պարբերականի` նրանք քննել են պաշտոնի հավակնորդներին։ «Քասթինգն» անցկացվել է քաղաքական և հայեցողական բարձր պաշտոնների համար, այդ թվում՝ փոխնախարարների։ Հավակնորդներին հարցրել են տնտեսությունից, Հարկային օրենսգրքի փոփոխություններից, դրանց հանդեպ վերաբերմունքից, հետաքրքրվել են՝ ինչ պաշտոն են նախընտրում և այլն։

«Մեր զրուցակիցը, որը «քասթինգի» մասնակիցներից է եղել, ասաց, որ տպավորություն է ստացել, թե հարցազրույցն անցկացնողներն այնքան էլ չէին տիրապետում այն թեմաներին, որոնց շուրջ հարցեր էին տալիս, և երբ տեսել են, որ իրենց զրուցակիցն ավելի լավ է տիրապետում թեմային, փորձել են արագ ավարտել զրույցը»,– գրում է թերթը։

Պարբերականը նշում է, որ «քասթինգին» մասնակցածները դեռ չեն ստացել պատասխան՝ ընդունվե՞լ է իրենց հայտը, թե՞ ոչ:

Ըստ թեմայի

Նախկին պաշտոնյաների որդիների ծառայությունից խուսափելու փաստերը հետաքննվում են
Փաշինյանը մտադիր է պաշտոն առաջարկել Արծվիկ Մինասյանին, իսկ նա չի ընդունի. «Ժողովուրդ»
Արայիկ Հարությունյանն ազատվել է զբաղեցրած պաշտոնից
Ոստիկանները բացահայտել են նախկին պաշտոնատար անձանց ապօրինությունները. տեսանյութ
թեգերը:
Նիկոլ Փաշինյան, Հայաստան

Գլխավոր թեմաներ