08:36 19 մարտի 2019
Ուղիղ եթեր
  • USD486.52
  • GBP644.88
  • EUR552.15
  • RUB7.53
Վարչապետ Նիկոլ Փաշինյանը հյուրընկալել է 2 հայ կաթողիկոսներին։

«Պետք է այնպես անել, որ բևեռացումներ չառաջացնենք». վարչապետն ընդունել է կաթողիկոսներին

© Photo / official site of the Prime minister of RA.
Հայաստան
Ստանալ կարճ հղումը
ՀՀ վարչապետ Նիկոլ Փաշինյան (641)
77 0 0

Արամ Առաջին կաթողիկոսը հույս ունի, որ ժողովրդի սպասումները, կարիքները հանգրվանային կերպով կիրագործվեն։

ԵՐԵՎԱՆ, 22 փետրվարի — Sputnik. Վարչապետ Նիկոլ Փաշինյանը հյուրընկալել է 2 հայ կաթողիկոսներին։

Ինչպես տեղեկացնում են կառավարության մամուլի ծառայությունից, վարչապետն իր խոսքում նշել է, որ Մեծի Տանն Կիլիկիո Կաթողիկոսի Վեհափառ Հայրապետի հետ հանդիպումները պարբերաբար են: Դրանց մի մասը լուսաբանվում են, մյուս մասը չի լուսաբանվում, և ինքը շատ կարևոր է համարում այս շփումը, այս խոսակցությունը:

«Բայց ես կարծում եմ, որ այս ընթացքում մի բանում հաջողել ենք՝ կարողացել ենք խոսակցության իսկապես անկեղծ և բաց մթնոլորտ ունենալ: Հատկապես այս խոսակցությունը կարևոր է մեր երկրի ապագայի վերաբերյալ, մեր ժողովրդի ապագայի վերաբերյալ, որովհետև կարծում եմ, որ մեր համազգային օրակարգի քննարկման շատ կարևոր առաքելություն ունենք և մեր համազգային օրակարգի ձևավորման շատ կարևոր առաքելություն ունենք: Մենք գիտենք մի բան. և՛ մենք, և՛ մեր ժողովուրդը, և՛ մեր եկեղեցին, և՛ մեր հոգևոր դասը մի բանում համաձայն ենք, որ մենք չենք պարտվելու և պիտի հաղթենք այն մարտահրավերին հանդիման, որը մեր պետության, մեր ժողովրդի առաջ է, Հայաստանի Հանրապետության և Արցախի Հանրապետության, Սփյուռքի: Համոզված եմ, որ այսպիսի շփումը, եկեղեցու հետ մեր հարաբերությունները և շփումը, քննարկումներն այս հարցում ունեն կարևոր և վճռական նշանակություն»,–ասել է Փաշինյանը:

Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսն իր խոսքում նշել է, որ Հայ առաքելական եկեղեցին պիտի շարունակի նույն նախանձախնդրությամբ, որպեսզի մեր ժողովուրդը կարողանա միասնական ջանքերով հաղթահարել բոլոր դժվարությունները, բոլոր խնդիրները, որոնք ծառացած են այսօր մեր երկրի, մեր պետության  և աշխարհասփյուռ մեր ժողովրդի առջև: Բնականաբար, դա թե՛ Արցախի անկախ պետականության ճանաչման  հարցն է, թե՛ Հայոց ցեղասպանության, և թե՛ մեր երկրի կայուն, ապահով, առաջընթաց կյանքը:

Այնուհետև խոսքով է հանդես եկել Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսը, ով, մասնավորապես, նշել է, որ իմ սպասումս է, որ ժողովրդի սպասումները, կարիքները հանգրվանային կերպով իրագործվեն: «Այդ հանձնառությամբ Դուք այս առաքելությանը լծվեցիք և Ձեր բոլոր հրապարակային խոսքերի մեջ կարևորությամբ շեշտեցիք, որ ժողովրդից եք գալիս, ժողովուրդն է իշխանությունը, և ժողովրդի սպասումներն են, որոնք պետք է մղիչ ուժը դառնան Ձեր և կառավարության առաքելության: Բնականաբար, պետք է լինել իրատես. չի կարելի անմիջականորեն զգացությունը պայծառակերպել և այդ սպասումներն իրագործել: Հանգրվանային կերպով առաջատվական ընթացքով իմ սպասումս է, որ ժողովրդի սպասումները, կարիքները, ակնկալությունները իրագործվեն: Եվ այս ընթացքի մեջ նաև իմ սպասումս է, որ կարևորությամբ շեշտեք բազմակարծիքության բերելիք նպաստը Ձեր առաքելությամբ՝ թե՛ խորհրդարանից ներս, թե՛ խորհրդարանից դուրս»,–ասել է Արամ Առաջինը:

Նա ընդգծել է, որ տարբեր կարծիքներ ունենալը հարստացուցիչ է՝ պայմանով, որ դրանք ինչ-որ տեղ իրար հետ հանդիպեն, իրար հետ շփվեն՝ մեր համազգային արժեքների և  իդեալների շուրջ:

«Պետք է այնպես անել, որ մենք բևեռացումներ չառաջացնենք: Եթե կան բևեռացումներ, այդ բևեռացումները պետք է կամրջվեն նույն արժեքների շուրջ: Եվ այս ուղղությամբ  եկեղեցու դերը ես շատ կարևոր եմ համարում: Ուրախ եմ, որ Ձեր խոսքի մեջ կարևորությամբ անդրադարձաք եկեղեցու դերին: Վեհափառն ինքն էլ ասաց, որ եկեղեցի-պետություն այս հարաբերությունները, ավելի ճիշտ՝ գործակցությունը, պիտի ասեմ, նկատի ունեմ հրամայական է թե՛ ազգաշինության, թե՛ հայրենակերտումի իմաստով: Բնականաբար, կան տարբեր կարծիքներ, տարբեր մոտեցումներ: Ինչպես ասացի, այդ տարբերությունները պետք է դառնան վերջին հաշվով հարստացուցիչ, որովհետև մենք բոլորս էլ նույն օղակի մեջ ենք և նույն ճամփի վրա ենք գտնվում»,–խոսքն ուղղելով վարչապետին` ասել է Արամ Կաթողիկոսը:

Հիշեցնենք, որ այս օրերին Մեծի Տանն Կիլիկիո Կաթողիկոս Արամ Առաջինը գտնվում է Հայաստանում։ Նա հանդիպումներ է ունեցել ՀՀ նախագահի, ՀՀ վարչապետի և Ամենայն Հայոց Կաթողիկոսի հետ։

թեմա:
ՀՀ վարչապետ Նիկոլ Փաշինյան (641)

Ըստ թեմայի

Ամենայն հայոց կաթողիկոսը 2019–ը հռչակեց ընտանիքի տարի
«Հարձակում իրերի էության վրա». երբ խոսեց Կաթողիկոսը
Արամ Ա կաթողիկոսը շնորհակալական նամակ է հղել Մակրոնին
թեգերը:
Ամենայն Հայոց կաթողիկոս Գարեգին Բ, Արամ Առաջին կաթողիկոս, Նիկոլ Փաշինյան, Հայաստան

Գլխավոր թեմաներ