23:41 16 հուլիսի 2019
Ուղիղ եթեր
  • USD476.74
  • GBP593.49
  • EUR535.47
  • RUB7.60
Премьер-министр Никол Пашинян на собрании председателей общин Армении (11 февраля 2019). Еревaн

Բիզնեսը երաշխիք կունենա, իսկ «իշխանական տանիք»` ոչ. Փաշինյանը ներկայացրեց նոր մոտեցումը

© Sputnik / Aram Nersesyan ,
Հայաստան
Ստանալ կարճ հղումը
163 0 0

Ոչ ոք իր բիզնեսի պատասխանատվությունը չի կարող կիսել իշխանության մեջ ունեցած հովանավորության հետ:

ԵՐԵՎԱՆ, 23 փետրվարի – Sputnik. Հիմնական հարցը, որ կախված է օդում, այն է` կարո՞ղ է Հայաստանում տնտեսական հեղափոխություն իրականացվել, և իշխանությունը կարո՞ղ է հասնել մի էֆեկտի, որն ընդունված է համարել տնտեսական հրաշք։ ՀՀ վարչապետ Նիկոլ Փաշինյանն այսօր Վանաձորում «Իմ քայլը հանուն Լոռու մարզի» ներդրումային-բիզնես ծրագրերի համաժողովի ժամանակ նշեց, որ այս հարցի պատասխանն ակնհայտ է։

«Այն ժողովուրդը, որն ի վիճակի է եղել իրականացնել և հասնել մի էֆեկտի, որը մենք կարող ենք լիարժեք անվանել քաղաքական հրաշք, ուրեմն տնտեսական հրաշքն էլ է մեր հասանելիության տիրույթում։ Պետք է հասկանանք, ի վերջո, որոնք են տնտեսական հեղափոխության պարամետրերը։ Դրանք նոր աշխատատեղերն են, եկամուտների նոր մակարդակը, բարեկեցության նոր մակարդակը։ Բայց ովքե՞ր են ստեղծում այդ ամենը։ Մարդը, բացառապես մարդը»,–շեշտեց Փաշինյանը։

Նրա խոսքով` իշխանությունն ուզում է մարդուն աջակցել, քաջալերել, որ ստեղծի այն, ինչը նրա հնարավորությունների տիրույթում է։

«Ինչպե՞ս ենք ուզում քաջալերել։ Խոսքո՞վ։ Այո, նաև խոսքով։ Ամեն ինչ սկսվում է խոսքից։ Բայց արդյոք միայն խոսքով։ Իհարկե, ոչ։ Հաջորդ կարևոր ուղղությունը իրական տնտեսական գործունեության հնարավորության ստեղծումն է` կարգավորումների մեղմացման, տնտեսական գործունեության մեջ մենաշնորհների, կոռուպցիայի բացառման և օրենսդրության կատարելագործման ճանապարհով»,– ասաց Փաշինյանը։

Նա նշեց, որ տնտեսական հեղափոխության մեթոդը չի տարբերվում քաղաքական հեղափոխության մեթոդաբանությունից։

«Քաղաքական հեղափոխությունը տեղի ունեցավ այն ժամանակ, երբ ՀՀ յուրաքանչյուր քաղաքացի որոշում կայացրեց, որ ինքը իրենով պիտի փակի այն փողոցները, որոնցով հոսում էր կոռուպցիան, ամենաթողությունը, ապօրինությունը։ Տնտեսական հեղափոխության գաղափարախոսությունը հետևյալն է՝ ՀՀ յուրաքանչյուր քաղաքացի իր հնարավորությունների չափով պետք է իր գործունեությամբ փակի բոլոր այն փողոցները, որտեղով հոսում է աղքատությունը, խեղճությունը, ավերը»,– ասաց Փաշինյանը։

Նա ընդգծեց, որ իրականում սա հեշտ չէ։

«Եթե որևէ բիզնես փայ է բարձրաստիճան պաշտոնյայի հետ, կամ որևէ բարձրաստիճան պաշտոնյա տանիք է կանգնում բիզնեսին, նշանակում է պատասխանատվությունը կիսված է, և այն ժամանակ, երբ ահազանգ լինի, որ մեր բիզնեսին կարող է ինչ–որ բան լինել, կարելի է հարկայինին հրահանգել, որ նրա հետ գործ չունեք։ Եթե անհարմար մրցակից է հայտնվել, կարելի է նրան շարքից հանել»,– ասաց վարչապետը։

Նա բացատրեց, թե ինչով է տարբերվում նոր իրավիճակը հնից։

«Նոր իրավիճակը տարբերվում է նրանով, որ նման ապօրինի երաշխիքներ չկան, ամեն մեկն իր բիզնեսի պատասխանատվությունը չի կարող կիսել իշխանության մեջ ունեցած հովանավորության հետ, բիզնեսի պատասխանատվությունն իրենն է, մարդը պետք է երաշխավորված լինել, որ կառավարությունը իր համար ապօրինի խոչընդոտ չի կարող ստեղծել»,– շեշտեց վարչապետը։

Ըստ Փաշինյանի` տնտեսական հեղափոխության պատասխանատվությունը կարող են կրել իսկապես դուխով գործարարները, որոնք վստահ են իրենց ստեղծարար տաղանդի, իրենց աշխատասիրության, իրենց ազնվության և սկզբունքայնության վրա և գիտեն, որ իերնք տեսակով հաղթող են:

Նա հռչակեց տնտեսական հեղափոխության կարգախոսը. «Հերիք է, ինչքան նստեցինք տեղներս, հիմա վեր կենանք ու քայլենք»:

Ըստ թեմայի

Աշխարհը մեզանից սպասելու է տնտեսական, մշակութային հեղափոխություններ, հրաշքներ. Սարգսյան
«Մեզ այսպիսի՞ հաղթանակներ և տնտեսական հեղափոխություն է սպասում». Շարմազանով
Մանրամասն բաղադրատոմս. ինչպես տնտեսական հեղափոխություն իրականացնել Հայաստանում
Հեղափոխությունը չէր կարող խանգարել Հայաստանի տնտեսական աճին. նախարարի պաշտոնակատար
Տնտեսական հեղափոխությունը Հայաստանում մեկնարկել է, բայց չի ավարտվի. նախարար
Խորհրդային դպրոցից մինչև տնտեսական հեղափոխություն. Փաշինյանը խոսել է ՏՏ ոլորտից
թեգերը:
Նիկոլ Փաշինյան, Հայաստան

Գլխավոր թեմաներ