01:54 18 օգոստոսի 2019
Ուղիղ եթեր
  • USD475.92
  • GBP578.43
  • EUR527.46
  • RUB7.22
Նորակոչիկներ, արխիվային լուսանկարներ

Բանակում չեն ծառայել, բայց տվել են գումարը. որքա՞ն են վճարել զինծառայություն չանցած անձինք

© Sputnik / Asatur Yesayants
Հայաստան
Ստանալ կարճ հղումը
291 0 0

27 տարին լրացած, զինծառայություն չանցած անձանց վճարումները փոխանցվել են ՊՆ հատուկ հաշվեհամարին։

ԵՐԵՎԱՆ, 25 փետրվարի – Sputnik.  27 տարին լրացած զինծառայություն չանցած անձանց վճարումներից ՊՆ հատուկ հաշվեհամարին է փոխանցվել  ավելի քան 11 մլրդ դրամ։ Հայաստանում սահմանված կարգով վճարում է կատարել և քրեական հետապնդումից ազատվել է 27 տարին լրացած պարտադիր զինվորական ծառայությունից խուսափած 9985 քաղաքացի: «Արմենպրեսի» գրավոր հարցմանն ի պատասխան այս մասին տեղեկացրել են ՀՀ պաշտպանության նախարարությունից:

«Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» ՀՀ օրենքն ուժի մեջ մտնելուց ի վեր (2003թ. դեկտեմբերի 17) սահմանված կարգի խախտմամբ պարտադիր զինվորական ծառայություն չանցած քաղաքացիների դիմումները քննարկվող միջգերատեսչական հանձնաժողովը 9985 քաղաքացու վերաբերյալ կայացրել է դրական որոշում:

Օրենքի համաձայն՝ նշված ժամանակահատվածում ՀՀ ՊՆ հատուկ հաշվեհամարին փոխանցվել է 11 մլրդ 81 մլն 46 հազ 100 ՀՀ դրամ: Վճարները մուտքագրվում են ՀՀ պաշտպանության բնագավառում պետական լիազոր մարմնի կողմից այդ նպատակով բացված հատուկ հաշվում»,– հայտնել են ՊՆ–ից:

Նախարարությունից տեղեկացրել են նաև՝ այդ գումարներն օգտագործվում են ռազմական կարիքների բավարարման համար՝ ՀՀ կառավարության սահմանված կարգով:

Ազգային ժողովի «Լուսավոր Հայաստան» խմբակցությունը շրջանառության մեջ է դրել պարտադիր զինվորական ծառայություն չանցած քաղաքացիների մասին օրենքի գործողության ժամկետը երկարացնելու մասին նախագիծ: Նախագծով առաջարկվում է մինչև 2018-ի վերջ 27 տարին լրացած անձանց ևս հնարավորություն տալ վերադառնալ Հայաստան, սահմանված ժամկետում վճարել օրենքով սահմանված դրույքաչափերին համապատասխան վճարն ու ազատվել քրեական հետապնդումից:

Ըստ թեմայի

Անկեղծանում են զինվորները. բանակում ծառայող տղաները պատասխանում են 9 հարցի. տեսանյութ
Կյանքի, ոչ թե հաճույքի համար. ինժեներները գիտեն ինովացիաները բանակում նորմա դարձնելու ձևը
ՀՀ պաշտպանության նախարարը չի պատրաստվում թաքցնել բանակում տեղի ունեցող միջադեպերը
Արծրուն Հովհաննիսյանը խոսում է բանակի և Զինված ուժերի անակնկալների մասին. տեսանյութ
թեգերը:
Հայաստան

Գլխավոր թեմաներ