07:51 18 հուլիսի 2019
Ուղիղ եթեր
  • USD476.45
  • GBP590.89
  • EUR534.43
  • RUB7.58
Կաշառք

Ծանոթներից վերցրել է 15 000 դոլար` ռուսական զորամասում աշխատանքի տեղավորելու համար

CC BY 2.0 / Hloom Templates / Human Hands Exchanging Money
Հայաստան
Ստանալ կարճ հղումը
89 0 0

Տղամարդուն մեղադրանք է առաջադրվել, նրա նկատմամբ որպես այլընտրանքային խափանման միջոց կիրառվել է գրավ։

ԵՐԵՎԱՆ, 26 փետրվարի — Sputnik. Էջմիածին քաղաքի բնակչին մեղադրանք է առաջադրվել առանձնապես խոշոր չափերով խարդախություն կատարելու համար։

Այս մասին տեղեկացնում են ՀՀ քննչական կոմիտեից։

Քննությամբ ձեռք բերված տվյալների համաձայն՝ Էջմիածին քաղաքի բնակիչը՝ ծնված 1963 թվականին, Շիրակի մարզում բնակվող իր ծանոթից տեղեկանալով, որ վերջինիս երկու որդիները և ազգականներից երեքը ցանկանում են աշխատանքի տեղավորվել, մտադրվել է խարդախությամբ հափշտակել նրանց՝ առանձնապես խոշոր չափերի գույքը:

Մասնավորապես, 56-ամյա տղամարդը, խեղաթյուրելով իրականությունը, խոստացել է օգնել՝ առաջարկելով նրանց աշխատանքի տեղավորել Գյումրիում տեղակայված ռուսական զորամասերից մեկում:

Մինչդատական վարույթում ձեռք բերված տվյալների համաձայն՝ աշխատանքի տեղավորելու համար պետական վճարումներ կատարելու պատրվակով յուրաքանչյուրից նա պահանջել է 3 000 ԱՄՆ դոլար գումար:

Քրեական գործով ձեռք բերված փաստական տվյալների համաձայն՝ Շիրակի մարզի բնակիչը և վերջինիս երեք ազգականները 2014թ. ապրիլին 56-ամյա տղամարդուն են տվել ընդհանուր 15 000 ԱՄՆ դոլար:

Ըստ պայմանավորվածության՝ վերջինս պետք է փոխանցեր կատարված վճարումները հավաստող կտրոնները, սակայն գումարը ստանալուց հետո նա, հափշտակելով առանձնապես խոշոր չափերի՝ 15 000 ԱՄՆ դոլար գումարը, մեկնել է երկրից: Նախաքննության ընթացքում 56-ամյա տղամարդը վերադարձրել է խարդախությամբ հափշտակված գումարները:

Ձեռք բերված բավարար ապացույցների համակցությամբ՝ 1963թ. ծնված տղամարդուն մեղադրանք է առաջադրվել։ Նրա նկատմամբ որպես այլընտրանքային խափանման միջոց կիրառվել է գրավ։

Ըստ թեմայի

Դիլիջանի սոցիալական աջակցության պետին կալանավորել են կաշառք վերցնելու համար
Նախարարն անկեղծացել է. կաշառք առաջարկում են առաջին մի քանի ամիսը
ՊՆ պաշտոնյան ձերբակալվել է կաշառք ստանալու պահին. տեսանյութ
թեգերը:
ՀՀ քննչական կոմիտե, Գյումրի

Գլխավոր թեմաներ