16:18 21 հուլիսի 2019
Ուղիղ եթեր
  • USD476.48
  • GBP596.79
  • EUR535.52
  • RUB7.56
Գագիկ Ծառուկյան

Ծառուկյանի թիկնապահի գործը հասավ դատարան. այն կքննի Սասնա ծռերի դատավորը

© Sputnik / Asatur Yesayants
Հայաստան
Ստանալ կարճ հղումը
22010

Ազգային ժողովի «Բարգավաճ Հայաստան» խմբակցության պատգամավոր Էդուարդ Բաբայանի նկատմամբ հարուցված քրեական գործն ընդունվել է ընդհանուր իրավասության դատարանի վարույթ։

ԵՐԵՎԱՆ, 28 փետրվարի — Sputnik. «Բարգավաճ Հայաստան» կուսակցության առաջնորդ Գագիկ Ծառուկյանի անվտանգության ծառայության պետ Էդուարդ Բաբայանի գործը հասել է դատարան։ Այն մակագրվել է դատավոր Մեսրոպ Մակյանին: Այս մասին Sputnik Արմենիան տեղեկացավ datalex.am դատական տեղեկատվական համակարգից:

Նույն աղբյուրում նշված է նաև, որ Էդուարդ Բաբայանին մեղադրանք է առաջադրվել 2018թ․հուլիս 2-ին Երևան քաղաքի Միկոյան փողոցի 51 հասցեում գտնվող «Օլիմպավան» մարզական համալիրի հանդիպումների դահլիճում Վյաչեսլավ Հարությունովին հարվածներ հասցնելու համար, որոնց արդյունքում Հարությունովի առողջությանը դիտավորությամբ պատճառել է ծանր վնաս։

Հիշեցնենք` Էդուարդ Բաբայանը ձերբակալվել էր 2018թ.–ի հուլիսի 3-ին, ապա երեք օր անց՝ կալանավորվել։

Օգոստոս ամսին դատարանը Էդուարդ Բաբայանի նկատմամբ կիրառված խափանման միջոցը փոխարինեց 20 միլիոն դրամ գրավով։

Դեկտեմբերի 9-ի արտահերթ խորհրդարանական ընտրություններում Բաբայանը պատգամավորական մանդատ ստացավ «Բարգավաճ Հայաստան» խմբակցության կազմում։

Հիշեցնենք` Վյաչեսլավ Հարությունովի որդին` Նիկոլ Հարությունովը, 2012 թվականին տեղի ունեցած բռնցքամարտի աշխարհի առաջնությունում նվաճել էր աշխարհի չեմպիոնի տիտղոսը։ Եվ, ըստ քրեական գործի նյութերի, դրա դիմաց Հայաստանի օլիմպիական կոմիտեի նախագահ Գագիկ Ծառուկյանը Հարությունովին խոստացել էր օժանդակել նրա որդուն ժամկետային զինվորական ծառայությունից ազատելու հարցում:

2018թ.–ի հուլիսի 2-ին` «Օլիմպավան» մարզահամալիրում, Հայաստանի օլիմպիական կոմիտեի նախագահ Գագիկ Ծառուկյանի մասնակցությամբ տեղի ունեցած Հայաստանի բռնցքամարտիկների ֆեդերացիայի ժողովի ավարտից հետո Հարությունովը մոտեցել է Ծառուկյանին` կրկին հիշեցնելով տված խոստումը: Խոսակցությունը շարունակվել է մարզահամալիրի հանդիպումների դահլիճում, որտեղ, Էդուարդ Բաբայանը մի խումբ այլ անձանց հետ ծեծի են ենթարկել Հարությունովին, որի հետևանքով վերջինը գլխուղեղի ցնցում, դեմքի և կրծքավանդակի վնասվածքներ ու կողոսկրի կոտրվածքներ է ստացել։

Դեպքից որոշ ժամանակ անց, սակայն, Հարությունովը հայտարարեց, որ իրեն չեն ծեծել ու ինքը տուժող չէ։

Այդուհանդերձ, հարուցված քրեական գործն այդպես էլ չկարճվեց և առաջիկա օրերին կմեկնարկի արդեն դատական գործընթացը։ Դատական նիստի օրը դեռ նշանակված չէ։

Ինչ վերաբերում է դատավոր Մեսրոպ Մակյանին, նա հանրությանն առավել հայտնի է Սասնա ծռերի գործով անջատված մասի դատաքննությամբ։ Նրա վարույթում է քննվում Պավել Մանուկյանի, Վարուժան Ավետիսյանի, Արայիկ Խանդոյանի, Արեգ Կյուրեղյանի, Գագիկ Եղիազարյանի, Մխիթար Ավետիսյանի, Էդվարդ Ներսիսյանի, Սեդրակ Նազարյանի, Սմբատ Բարսեղյանի, Արմեն Բիլյանի վերաբերյալ գործերը:

Ըստ թեմայի

Խուզարկել են Գագիկ Ծառուկյանի տունը. «Առավոտ»
Ինչպե՞ս էին խորհրդարանում հայտնվել Գագիկ Ծառուկյանի էկզոտիկ մրգերը
Հե՞շտ է գիշերը գլուխը դնել բարձին. Շշի Մելոյի բարեկամուհին մեղադրում է Ծառուկյանի որդուն
թեգերը:
Գագիկ Ծառուկյան, Հայաստան

Գլխավոր թեմաներ