08:28 21 մարտի 2019
Ուղիղ եթեր
  • USD485.91
  • GBP642.42
  • EUR551.46
  • RUB7.55
Նիկոլ Փաշինյանն ու Արմեն Սարգսյանը

Սարգսյանն ու Փաշինյանը հանդիպել են. ի՞նչ է լսել նախագահը վարչապետից

© Photo / official site of the Prime minister of RA
Հայաստան
Ստանալ կարճ հղումը
20220

Նախագահն ու վարչապետը հանդիպել են նախագահական նստավայրում։

ԵՐԵՎԱՆ, 1 մարտի – Sputnik. Հայաստանի Հանրապետության նախագահ Արմեն Սարգսյանն այսօր նախագահական նստավայրում հանդիպում է ունեցել վարչապետ Նիկոլ Փաշինյանի հետ: Այս մասին հայտնում է նախագահի մամուլի ծառայությունը։

«Պարոն վարչապետ, ուրախ եմ Ձեզ կրկին տեսնել: Մեր ավանդական հանդիպումները շարունակվում են: Զրույցը սկսելուց առաջ ուզում եմ շնորհավորել Ձեզ, որովհետև լսել եմ, որ շատ հաջող էր Ձեր այցելությունը Իրանի Իսլամական Հանրապետություն: Ուրախ կլինեմ լսել այդ այցի մանրամասները: Բոլոր դեպքերում, այն արձագանքները, որ լսել եմ՝ և՛ երկրի ներսում, և՛ դրսի որոշ բարեկամներից, դրական են եղել»,– ասել է նախագահ Արմեն Սարգսյանը։

Վարչապետ Նիկոլ Փաշինյանն իր հերթին ներկայացրել է իրանական այցի մանրամասները։

«Շնորհակալ եմ, պարոն նախագահ: Այո, մեր այս աշխատանքային հանդիպումները պարբերական բնույթ են կրում, և շատ կարևոր է, որ մենք պարբերաբար կիսենք այն տեղեկատվությունը, որը կուտակվում է մեր տարբեր շփումների, աշխատանքային գործունեության ընթացքում: Եվ, իհարկե, քննարկենք առաջիկա անելիքները: Այո, Իրանի Իսլամական Հանրապետություն տեղի ունեցած այցը շատ կարևոր եմ համարում և շատ հաջողված: Նաև երկուշաբթի օրը պատրաստվում եմ պաշտոնական այցով մեկնել Բրյուսել՝ Եվրամիության մեր գործընկերների հետ քննարկելու հետագա անելիքները»,– ասել է նա:

Փաշինյանը խոսել է առաջիկայում արտաքին քաղաքական հարուստ օրակարգի մասին։

«Նաև այս տարի Եվրասիական տնտեսական միությունում նախագահում ենք, և միջկառավարական խորհրդի նիստերից մեկը տեղի կունենա Երևանում: Բարձրագույն տնտեսական խորհրդի նիստերից մեկը ևս տեղի կունենա Երևանում: Այս ողջ արտաքին քաղաքական օրակարգն, իհարկե, կարևոր է նաև ծառայեցնել մեր տնտեսական հեղափոխության նպատակներին: Տեղյակ եմ, որ Դուք էլ այս ընթացքում որոշ հանդիպումներ եք ունեցել, որոնք տեղավորվում են այս տրամաբանության մեջ: Եվ նաև կարևոր է այդ տեղեկատվությունները համադրել, որպեսզի պայմանավորվածությունների հետագա իրագործումը դառնա առավել արդյունավետ»,– նշել է նա:

Արմեն Սարգսյանն ասել է, որ ինքն էլ շատ բան ունի խոսելու Փաշինյանի հետ։

«Իհարկե, Դուք տեղյակ եք, բայց կուզեմ լրացուցիչ մանրամասներ կիսել Ձեզ հետ հատկապես իմ վերջին երկու այցելությունների մասին. մեկը Ֆրանսիա, որտեղ տեղի ունեցավ Հայկական բարեգործական ընդհանուր միության 90-րդ լիագումար ժողովը, որին ես մասնակցեցի, և որի ընթացքում կազմակերպությունում որոշակի կառուցվածքային փոփոխություններ տեղի ունեցան: Բարեգործական միությունը մեր ազգային, Սփյուռքի կարևորագույն կազմակերպություններից մեկն է: Այդ ընթացքում Փարիզում, իհարկե, կրկին հանդիպումներ ունեցա այն շրջանակում, որի մասին մենք բավական երկար ժամանակ խոսում ենք միմյանց հետ՝ աջակցելու Հայաստանի տնտեսական զարգացմանը, նոր տեխնոլոգիաներին: Հանդիպումներ եղան ֆրանսիական շատ մեծ ընկերությունների հետ՝ Thales, Dassault, և այլն»,– ասել է Սարգսյանը:

Նա խոսել է նաև մյունխենյան այցի մասին, որի ընթացքում մի շարք քաղաքական հանդիպումներ են տեղի ունեցել:

Ըստ թեմայի

Հայ-իրանական հարաբերություններում եղանակը շատ լավ է. Փաշինյան
Լռություն Արցախում. Փաշինյանը հիմա ավելի պատրաստված է Ալիևի հետ բանակցություններին
Բոզոյան. «Փաշինյանը հայտնվելու է իր իսկ լարած թակարդի մեջ»
թեգերը:
Նիկոլ Փաշինյան, Արմեն Սարգսյան, Հայաստան

Գլխավոր թեմաներ