23:41 16 հուլիսի 2019
Ուղիղ եթեր
  • USD476.74
  • GBP593.49
  • EUR535.47
  • RUB7.60
Սպիտակագլուխ անգղ

Կարմիր գրքում գրանցված սպիտակագլուխ անգղը կրկին որսագողերի թիրախում է հայտնվել. լուսանկար

© Sputnik / Aram Nersesyan ,
Հայաստան
Ստանալ կարճ հղումը
17203

Բացատրական աշխատանքի արդյունքում նկարում պատկերված քաղաքացին և ևս մեկ անձ ներկայացել են ոստիկանություն, տվել բացատրություն:

ԵՐԵՎԱՆ, 3 մարտի — Sputnik. Սպիտակագլուխ անգղ որսած տղամարդիկ ներկայացել են ոստիկանություն և բացատրություն տվել։ Ինչպես տեղեկացնում են Ոստիկանության լրատվության ծառայությունից, լրատվական կայքերից մեկը «Ահազանգ. կրկին հազվագյուտ սպիտակագլուխ անգղ են որսացել» վերտառությամբ հոդված ու լուսանկար է հրապարակել, որում երևում է մի տղամարդ, ձեռքին` անգղ:

Ոստիկանության Կապանի բաժնի ծառայողներն ուսումնասիրել են հրապարակումը և ձեռնարկել անհրաժեշտ բոլոր միջոցառումները տեղի ունեցածը պարզելու ու լուսանկարում պատկերված անձին հայտնաբերելու ուղղությամբ:

Բացատրական աշխատանքի արդյունքում նկարում պատկերված քաղաքացին և ևս մեկ անձ ներկայացել են ոստիկանություն, տվել բացատրություն:

Դեպքի հանգամանքները պարզվում են:

Նշենք, երեկ econews.am բնապահպանական կայքը ինֆորմացիա էր հրապարակել սպիտակագլուխ անգղի հերթական որսի մասին։

Այս անգամ հավանաբար կրկին ապօրինի որսի զոհ է դարձել հազվագյուտ սպիտակագլուխ անգղը (Gyps fulvus), որը սակավաթիվ, վտանգված տեսակ է: Տեսակը գրանցված է ՀՀ կենդանիների Կարմիր գրքում, ինչպես նաև ընդգրկված է ԲՊՄՄ Կարմիր ցուցակում Կայքը նշում է, որ լուսանկարում Սյունիքի մարզի Կապան քաղաքի բնակիչ Սմբատ Հայրումյանն է, ով լուսանկարն ազատ համացանցային տարածք է բեռնել 2019թ.-ի փետրվարի 4-ին:

Խնդրին իր պաշտոնական ֆեյսբուքյան էջում անդրադարձել է նաև ՀՀ ԱԺ «Իմ քայլը» խմբակցության պատգամավոր Վիկտոր Ենգիբարյանը։

Հիշեցնենք, որ 2017թ.–ի հոկտեմբերի ևս գրանցվել էր սպիտակագլուխ անգղերի որս։

Ըստ թեմայի

Հայաստանի ծառագողերն ու որսագողերը գործի են անցել
Մեծ կատուները թիրախ են որսագողերի համար. Հայաստանը չի կարող կորցնել այդ կենդանիներին
Սպիտակագլուխ անգղերի գործը փակված է
թեգերը:
Հայաստան

Գլխավոր թեմաներ