14:27 23 հուլիսի 2019
Ուղիղ եթեր
  • USD476.18
  • GBP593.70
  • EUR534.18
  • RUB7.56
Արամ Սարգսյան

Երկրապահները չգիտեին, որ Արամ Սարգսյանը եղբոր ծնունդը նշելու է Արցախում. «Հրապարակ»

PHOTOLURE
Հայաստան
Ստանալ կարճ հղումը
180 0 0

Արամ Սարգսյանը վաղը կվերադառնա և կմասնակցի հանձնաժողովի կազմակերպած միջոցառումներին, որը, ըստ որոշ տեղեկությունների, լինելու է Մարզահամերգային համալիրում:

ԵՐԵՎԱՆ, 5 մարտի — Sputnik. «Հրապարակ» թերթի տվյալներով սպարապետ Վազգեն Սարգսյանի 60–ամյակը նրա եղբայրը` Արամ Սարգսյանը, կնշի Արցախում։ «Դեռ երեկ տիկնոջ հետ Արցախ է մեկնել Արամ Սարգսյանը՝ եղբոր ծնունդը Բակո Սահակյանի հրավերով նա կնշի հենց Արցախում։

Ուշագրավ է, որ ԵԿՄ-ում տեղյակ չէին այդ մասին։ «Չէ, տեղյակ չենք, չենք քննարկել»,- թերթին ասել է փոխնախագահ Վազգեն Վարդանյանը։ ԵԿՄ-ում դեռևս չընտրված նախագահ Սասուն Միքայելյանի գլխավորությամբ պատրաստվում էին վաղ առավոտից սկսել միջոցառումները. հենց վարչությունում ծաղիկներ կխոնարհեն Վազգենի կիսանդրու առջև, ապա կուղևորվեն Եռաբլուր, որտեղ ներկա է լինելու նաև ռազմաքաղաքական էլիտան։

Հաջորդ կանգառը կլինի Արարատում՝ սպարապետի տուն-թանգարանում, հնարավոր է զորամաս այցելեն, զուգահեռ ԵԿՄ բոլոր տարածքային կառույցներում նույնպես կնշեն 60-ամյակը։

Հիշեցնենք` Վազգեն Սարգսյանի ծննդյան 60-ամյակը հանդիսավորությամբ նշելու նպատակով կառավարության պահուստային ֆոնդից պաշտպանության նախարարությանը հատկացվելու է մոտ 13 միլիոն դրամ, ստեղծվել է հոբելյանական հանձնաժողով՝ Նիկոլ Փաշինյանի նախագահությամբ։

Արամ Սարգսյանի կուսակից Լյովա Եղիազարյանը թերթին հայտնել է, որ Արամ Սարգսյանը վաղը կվերադառնա և կմասնակցի հանձնաժողովի կազմակերպած միջոցառումներին, որը, ըստ որոշ տեղեկությունների, լինելու է Մարզահամերգային համալիրում:

Ըստ թեմայի

Վազգեն Սարգսյան. «Ամենակատարյալ ստեղծագործությունն ազատագրված հողն է»
թեգերը:
Երկրապահ կամավորական միություն (ԵԿՄ), Արցախ, Հայաստան

Գլխավոր թեմաներ