07:02 22 մարտի 2019
Ուղիղ եթեր
  • USD486.10
  • GBP640.24
  • EUR554.45
  • RUB7.64
Արամ Սիմոնյանն ու Դավիթ Պետրոսյանը

Բլոգեր Նարեկ Մալյանի վրա հարձակումից հետո Սորոսի հիմնադրամը հայտարարություն է տարածել

© Sputnik / Asatur Yesayants
Հայաստան
Ստանալ կարճ հղումը
75110

Հայաստանում Սորոսի հիմնադրամն արձագանքել է իր հասցեին հնչած մեղադրանքներին։ Կազմակերպության և հիմնադրի անունները վերջին ժամանակաշրջանում չեն հեռանում հայկական թերթերի և սոցիալական ցանցերի էջերից։

ԵՐԵՎԱՆ, 5 մարտի — Sputnik. Սորոսի հիմնադրամի հայկական մասնաճյուղը (պաշտոնական անվանումը` Բաց հասարակություն հիմնադրամներ – Հայաստան) հայտարարություն է տարածել, որում հերքել է իր հասցեին մեղադրանքները։ Դրա համար պատճառ է դարձել բլոգեր Նարեկ Մալյանի հետ օրեր առաջ տեղի ունեցած միջադեպը, որին «Ռեստարտ» իշխանամետ շարժման ակտիվիստները մարտի 3–ին փորձել էին գցել աղբարկղը։ Մալյանը նրանց անվանել էր «Սորոսի վաստակներ» և հայտարարել, որ նրանք փորձում են հասնել ԵՊՀ ռեկտոր Արամ Սիմոնյանի հրաժարականին` ֆինանսավորվելով Սորոսի հիմնադրամից։

Միաժամանակ, կազմակերպության տարածած հայտարարությունում նշվում է, որ իրենք դատապարտում են անձի հանդեպ այս և բոլոր տեսակի այլ հարձակումները, ինչպես նաև բոլոր նրանց, ովքեր առաջ են տանում կեղծիքը՝ փորձելով պառակտում սերմանել: Հիմնադրամից կոչ են անում բոլոր կողմերին դիմել ողջամիտ ու իրազեկված երկխոսության՝ հաշվի առնելով Հայաստանի համար այս հույժ կարևոր ժամանակահատվածը:

«Բաց հասարակություն հիմնադրամներ – Հայաստանի դեմ հնչած մեղադրանքները ամբողջովին կեղծ են: Բոլոր տեսակի պնդումները, որ Բաց հասարակություն հիմնադրամներ – Հայաստանը նպատակ ունի վնասել Երևանի պետական համալսարանի հեղինակությանը կամ վարկաբեկել ռեկտոր Արամ Սիմոնյանին, անհեթեթ են, վիրավորական ու սուտ: Հայաստանը գտնվում է կարևոր շրջադարձային մի փուլում. փոխակերպում դեպի ժողովրդավար ու բաց հասարակություն՝ մարդու իրավունքների ու հիմնարար ազատությունների համատարած ոտնահարումների, անհավասարության ու հանրային անվստահության փակ հասարակությունից», – նշվում է հայտարարությունում։

Հիմնադրամը հայտարարում է, որ հեղափոխության սկզբից սատարել է սիրո ու համերաշխության վրա խարսխված այս գործընթացը:

Միաժամանակ հիմնադրամը չի հերքել «Ռեստարտ» նախաձեռնության հետ կապը։ Նշված է, որ ԲՀՀ–ն իր դռները բացել է 1997թ.-ին, այդ օրվանից ի վեր հիմնադրամը օգնություն է ցուցաբերել քաղաքացիական հասարակության լայն շրջանակներին՝ ներառյալ ընտանեկան բռնության ենթարկված կանանց ապաստարաններին, հետաքննող լրագրողներին ու լրատվամիջոցներին, մարդու իրավունքների պաշտպաններին և ընտրությունների ու պետական եկամուտների մոնիթորինգ անցկացնող կազմակերպություններին:

Ըստ թեմայի

Նիկոլ Փաշինյանը դատապարտում է բռնությունը. նա գրառում է արել Facebook–ում
Նարեկ Մալյանի հետ կապված միջադեպի մասնակիցներին բաց են թողել. ոստիկանություն
Իշխանությունը խրախուսում է անպատժելիության մթնոլորտը. Աշոտյանը` Մալյանի դեպքի մասին
Բռնությունը նետենք աղբարկղը. կստացվի՞
թեգերը:
Հայաստան

Գլխավոր թեմաներ