08:32 22 հուլիսի 2019
Ուղիղ եթեր
  • USD476.48
  • GBP596.79
  • EUR535.52
  • RUB7.56
Երևանի Տնտեսագիտական համալսարան

Հայ պատգամավորները թույլ կտան ուսանողներին ուսման վարձը վճարել ամիս առ ամիս

© Sputnik / Asatur Yesayants
Հայաստան
Ստանալ կարճ հղումը
7–րդ գումարման Ազգային ժողով (79)
98 0 0

Ուսման վարձը միանվագ վճարելու անհնարինության պատճառով բազմաթիվ ուսանողներ դուրս են մնում բուհերից։

ԵՐԵՎԱՆ, 6 մարտի — Sputnik. Հայաստանի Ազգային ժողովի պատգամավորներն ուսանողներին հնարավորություն կտան ամսական կտրվածքով վճարել ուսման վարձը։ Այսօր համապատասխան օրինագիծն ԱԺ–ում ընդունվեց առաջին ընթերցմամբ։

«Կրթության մասին» օրենքում շտկումները ենթադրում են, որ ուսանողները և նրանց ընտանիքները կարող են ամիս առ ամիս վճարել ուսման համար, այլ ոչ թե միանվագ կամ կես տարին մեկ։

«Պետք է պայմաններ ստեղծել, որպեսզի կրթությունը մեր երկրում մատչելի լինի։ Դա կարևորագույն հարց է։ Առանց կիրթ, պատրաստված քաղաքացու երկիրը և ժողովուրդն ապագա չունեն», – երեկ օրինագիծը ներկայացնելու ընթացքում ասաց դրա նախաձեռնողներից մեկը` «Բարգավաճ Հայաստան» կուսակցության պատգամավոր Տիգրան Ուրիխանյանը։

Նրա խոսքով` առկա բարդ պայմաններում կան հասարակ մեխանիզմներ, որոնք օգնում են մի քիչ թեթևացնել ֆինանսական բեռն ուսանողների և նրանց ընտանիքների համար։

Նրա խոսքով` ուսանողներից ստացվել են հարյուրավոր նամակներ, հաղորդագրություններ ուսման վարձը մաս–մաս վճարելու հնարավորություն ապահովելու մասին։

«Կարող է թվալ, որ սա մեխանիկական փոփոխություն է, որը մեծ նշանակություն չունի։ Բայց դահլիճում կան ուսանողներ, որոնց հետ բուհերը խզել են պայմանագրերն այդ մեխանիզմի բացակայության պատճառով», – ասաց Ուրիխանյանը։

Նրա խոսքով` հիմա ամիս առ ամիս վճարելու համար ուսանողը պետք է դիմի ռեկտորատ, և երաշխիքներ չկան, որ նրա խնդրանքը կբավարարվի։

Խորհրդարանականը նշեց, որ ուսանողների համար ավելի հեշտ է ուսման համար վճարել 12 ամիսների ընթացքում` ընդհանուր վարձը բաժանելով ամսական վճարումների։

թեմա:
7–րդ գումարման Ազգային ժողով (79)
թեգերը:
Երևանի պետական համալսարան (ԵՊՀ), Բարգավաճ Հայաստան կուսակցություն (ԲՀԿ), ՀՀ Ազգային ժողով, Հայաստան

Գլխավոր թեմաներ