02:57 16 սեպտեմբերի 2019
Ուղիղ եթեր
  • USD476.18
  • GBP592.94
  • EUR528.61
  • RUB7.41
Մանվել Գրիգորյան

Մանվել Գրիգորյանը հրաժարվել է ցուցմունք տալ. փաստաբանը մեկնաբանում է, թե ինչու

© Sputnik / Asatur Yesayants
Հայաստան
Ստանալ կարճ հղումը
Մանվել Գրիգորյանի շուրջ ծավալված իրադարձությունները (203)
285 0 0

Կալանավայրում գտնվող նախկին պատգամավորն օգտվել է սահմանադրական իրավունքից և ցուցմունք չի տվել։ Նրա պաշտպանը հիշեցնում է` Մանվել Գրիգորյանը որևէ մեկի դեմ ցուցմունք չի տվել։

ԵՐԵՎԱՆ, 9 մարտի – Sputnik. Հատուկ քննչական ծառայությունը (ՀՔԾ) «Մարտի 1»-ի քրեական գործով քննության շրջանակում փորձել է հարցաքննել ՀՀ պաշտպանության նախկին փոխնախարար Մանվել Գրիգորյանին, սակայն նա հրաժարվել է ցուցմունք տալ։ Այս մասին հայտնում է «Փաստինֆո» գործակալությունը։

Գրիգորյանն օգտվել է ՀՀ Սահմանադրության 65-րդ հոդվածով նախատեսված իրավունքից, ըստ որի՝ ոչ ոք պարտավոր չէ ցուցմունք տալ իր, ամուսնու կամ մերձավոր ազգականների վերաբերյալ, եթե ողջամտորեն ենթադրելի է, որ այն հետագայում կարող է օգտագործվել իր կամ նրանց դեմ:

Մանվել Գրիգորյանի պաշտպան Արսեն Մկրտչյանը Sputnik Արմենիայի հետ զրույցում նշեց, որ այս դեպքի հետ կապված կարող է միայն վերահաստատել այն, ինչ ասել է նախկինում։

«Մանվել Գրիգորյանը որևէ անձի դեմ ցուցմունք չի տվել` անկախ նրանից, թե այդ անձն առնչվում է Մարտի 1–ի, թե մեկ այլ գործի հետ»,– ասաց նա։

Հիշեցնենք` 2018թ–ի հունիսի 17-ին Ազգային անվտանգության ծառայությունը (ԱԱԾ) տեսանյութ էր հրապարակել` ներկայացնելով Երկրապահ կամավորականների միության նախագահ Մանվել Գրիգորյանին պատկանող, ՀՀ Արմավիրի մարզի Արշալույս գյուղի Լճափնյա փողոցում գտնվող հանգստյան գոտում, ինչպես նաև Էջմիածին քաղաքի Ալավերդյան փողոցի տուն 46 հասցեում տեղակայված և Գրիգորյանին պատկանող առանձնատան տարածքում կատարված խուզարկության արդյունքները:
2019թ–ի փետրվարի 14-ին ՀՔԾ–ն հայտարարեց, որ Մանվել Գրիգորյանի մեղադրանքը լրացվել է: Ըստ մեղադրանքի` Մ. Գրիգորյանը կնոջ, որդու և այլ անձանց հետ նախնական համաձայնությամբ, ապօրինի կերպով ձեռք են բերել, փոխադրել և իրենց պատկանող երեք տներում ապօրինի կերպով պահել հրազեն, ռազմամթերք, ակոսափող հրազենի փամփուշտներ, պայթուցիկ նյութեր,ավտոմեքենաներ, պահածոյացված սնունդ։

Կալանավայրում գտնվող Գրիգորյանի առողջությունը կտրուկ վատացել էր, և փետրվարի 8-ին նրան տեղափոխել էին «Նաիրի» բժշկական կենտրոն։

Մարտի 2-ին նրան կրկին տեղափոխել են կալանավայր։

 

թեմա:
Մանվել Գրիգորյանի շուրջ ծավալված իրադարձությունները (203)

Ըստ թեմայի

Ովքեր և ինչ են գողացել Մանվել Գրիգորյանի տղայի տնից. ոստիկանության տեսանյութը
Ի՞նչն է կապում գեներալ Մանվել Գրիգորյանին ու գնդակահարված Մխիթար Համբարձումյանին
Մկրտչյան. «Մանվել Գրիգորյանի վիճակը կալանավայր տեղափոխվելուց հետո ավելի է վատացել»
Մանվել Գրիգորյանն այլևս «Նաիրի» բուժկենտրոնում չէ
թեգերը:
Մանվել Գրիգորյան, Հայաստան

Գլխավոր թեմաներ