ԵՐԵՎԱՆ, 11 մարտի – Sputnik. Աշխատանքային այցով մարտի 10-ից 13-ը Երևան է ժամանել ՌԴ զինված ուժերի ռադիացիոն, քիմիական և կենսաբանական պաշտպանության զորքերի պետ, գեներալ-լեյտենանտ Իգոր Կիրիլովի գլխավորված պատվիրակությունը։ Նա Հայաստան է եկել երկկողմ քննարկումներին մասնակցելու նպատակով:
Իգոր Կիրիլովին ընդունել է ՀՀ ԶՈՒ գլխավոր շտաբի պետի առաջին տեղակալ, գեներալ-մայոր Օնիկ Գասպարյանը
© Photo : press office of the MoD of RA
ՀՀ պաշտպանության նախարարության մամուլի ծառայությունը հայտնում է, որ Կիրիլովին այսօր ընդունել է ՀՀ ԶՈՒ գլխավոր շտաբի պետի առաջին տեղակալ, գեներալ-մայոր Օնիկ Գասպարյանը։
Հանդիպման ընթացքում քննարկվել են ռադիացիոն, քիմիական և կենսաբանական անվտանգության հարցեր, ինչպես նաև վերոնշյալ ուղղությամբ հայ-ռուսական համագործակցության ներկա իրավիճակը և համատեղ գործունեության հեռանկարները:
