02:01 19 հունիսի 2019
Ուղիղ եթեր
  • USD477.78
  • GBP598.37
  • EUR534.35
  • RUB7.43
Վարդան Ղուկասյան

Գյումրիում դանակահարության գործով փնտրվում է Վարդան Ղուկասյանի փեսան. «Ժողովուրդ»

© Sputnik / Asatur Yesayants
Հայաստան
Ստանալ կարճ հղումը
1116 0 0

«Ժողովուրդ» թերթը պարզել է, որ գյումրեցի տղամարդուն դանակահարողը եղել է ԱԺ պատգամավոր Վարդան Ղուկասյանի փեսան` Հովհաննեսը, որին փնտրում են իրավապահները: Թերթը փորձել է այդ տեղեկությունները ճշտել Վարդան Ղուկասյանից։

ԵՐԵՎԱՆ, 12 մարտի — Sputnik. Գյումրիում կատարված դանակահարության կասկածանքով իրավապահները փնտրում են Գյումրու նախկին քաղաքապետ, ԱԺ «Բարգավաճ Հայաստան» խմբակցության պատգամավոր Վարդան Ղուկասյանը փեսային։ Այս մասին գրում է «Ժողովուրդ» օրաթերթը։

Թերթը հիշեցնում է, որ մարտի 9-ին Գյումրիում դանակահարվել ու հիվանդանոց էր տեղափոխվել 1972 թվականին ծնված տղամարդ, որը, ըստ լուրերի, քաղաքային սուպերմարկետի աշխատակից է։

«Ժողովուրդ» օրաթերթի տեղեկություններով` դանակահարողը եղել է ԱԺ պատգամավոր Վարդան Ղուկասյանի փեսան` Հովհաննեսը, որին իրավապահները փնտրում են: Թերթը փորձել է այդ տեղեկությունները ճշտել Վարդան Ղուկասյանից, սակայն նա, լսելով դանակահարության մասին հարցը, մեղադրանքներ է հնչեցրել լրագրողի ու թերթի հասցեին, ապա ասել. «Ուրիշ տեղերից հարցրեք. ես այդ կառույցներից հեռու եմ»։

Դեպքի առթիվ Շիրակի մարզային քննչական վարչությունում հարուցվել է քրեական գործ՝ ՀՀ քրեական օրենսգրքի 112-րդ հոդվածի 1-ին մասով: Նշանակվել է դատաբժշկական փորձաքննություն, կատարվել են խուզարկություններ: Հանձնարարություն է տրվել Ոստիկանության համապատասխան ստորաբաժանմանը՝ առերևույթ հանցագործություն կատարած անձին հայտնաբերելու և վարույթն իրականացնող մարմնին ներկայացնելու վերաբերյալ:

Ըստ թեմայի

Եղբորը սպանելու պատճառը մեքենան արագ վարելն է եղել. նոր մանրամասներ դաժան սպանությունից
Վիրավոր երիտասարդը հրաժարվել է հաղորդում տալ. փոխարենը ներկայացել է կասկածյալը
Աբովյանում դանակահարել են 25–ամյա երիտասարդի
թեգերը:
Գյումրի, Հայաստան

Գլխավոր թեմաներ