15:52 16 հունիսի 2019
Ուղիղ եթեր
  • USD478.40
  • GBP605.13
  • EUR539.06
  • RUB7.43
Հակոբ Արաշակյան

Նախարարը հորդորում է զերծ մնալ ղեկը փոխելուց ու որպես ձախ ղեկով ավտոմեքենա ներմուծելուց

© Sputnik / Aram Nersesyan ,
Հայաստան
Ստանալ կարճ հղումը
25710

Չի բացառվում, որ Հայաստանն արգելի ոչ միայն աջ ղեկով ավտոմեքենաների, այլև թերություններով փոխված ղեկային համակարգով ավտոմեքենաների ներմուծումը։

ԵՐԵՎԱՆ, 12 մարտի — Sputnik. Եթե աջ ղեկի տեղը փոխած ավտոմեքենան Հայաստան ներմուծվի և պարզվի, որ տեխնիկական խնդիր ունի, ապա այդ մեքենայի շահագործումը կարգելվի։ Այսօր ԱԺ–ում տնտեսական հարցերի մշտական հանձնաժողովի նիստի ժամանակ հայտարարեց ՀՀ տրանսպորտի, կապի և տեղեկատվական տեխնոլոգիաների նախարար Հակոբ Արշակյանը։

«Ես խորհուրդ կտամ, որ հնարավորինս զերծ մնան այդ բիզնես մոդելով շարժվելուց` ղեկը փոխելուց ու որպես ձախ ղեկով ավտոմեքենա Հայաստան ներմուծելուց ու այն շահագործելուց կամ վաճառելուց։ Տեխնիկական խնդիրների հայտնաբերման դեպքում այդ ավտոմեքենաների շահագործումը կարգելվի»,– ասաց նախարարը

Թե տարեկան ինչ քանակի աջակողմյան ղեկով ավտոմեքենաներ են գալիս Վրաստան, ղեկը փոխում ու ներկրվում ՀՀ, ինչ գումարներ են այդ գործընթացի արդյունքում Հայաստանից Վրաստան հոսում, ՀՀ կառավարությունը չգիտի։ Նման ուսումնասիրություն գործադիրը չունի։

Նա նաև չբացառեց, որ առաջիկայում միջոցներ կձեռնարկվեն նաև թերություններով փոխված ղեկային համակարգով ավտոմեքենաների ներմուծումն արգելելու ուղղությամբ։

Իսկ մինչ այդ ՀՀ կառավարությունն առաջարկում է թույլ տալ Հայաստան ներկրել ՀՀ սահմանային անցակետերում կուտակված շուրջ 800 աջակողմյան ղեկով ավտոմեքենաները, որոնք Հայաստանի սահման են հասել 2018թ–ի դեկտեմբերի 31-ից հետո և օրենքի ուժով իրավունք չեն ստացել ներմուծվել Հայաստան։

Խնդիրը լուծելու համար կառավարությունն ընդունել է Աջակողմյան ղեկային տեղաբաշխմամբ տրանսպորտային միջոցների ներմուծումն արգելելու մասին օրենքում փոփոխություններ կատարելու նախագիծ։

ԱԺ–ում տնտեսական հարցերի մշտական հանձնաժողովի նիստի ընթացքում այսօր հավանություն տրվեց նախագիծը խորհրդարանի վաղվա արտահերթ նիստում ներառելու հարցին։

Հիշեցնենք, կառավարության նիստում նախարար Հակոբ Արշակյանը հայտարարել էր, որ արդեն գնված ու Հայաստան ուղևորվող շուրջ 412 ավտոմեքենա կա, մոտավորապես նույն քանակի ավտոմեքենաներ էլ արդեն կուտակված են Հայաստանի սահմանին (ընդհանուր թվով` 830):

Նախագծով առաջարկվում է դրանց ներմուծման թույլտվությունը երկարացնել մինչև մայիսի 1-ը։

Ըստ թեմայի

Նիկոլ Փաշինյանն ու «Ղեկը աջ» նախաձեռնության հեղինակները հանդիպեցին. տեսանյութ
Աջ ղեկով մեքենա ներկրողները շարունակում են պայքարը. ամբողջ հույսը Փաշինյա՞նն է
Աջ ղեկով ավտոմեքենաների համար նոր ժամկետ սահմանվեց. սպասված օրինագիծն ընդունվեց
Իշխանությունները ձգձգում են, ներկրողները` բողոքում. նոր սկանդալ աջ ղեկով մեքենաների շուրջ
թեգերը:
Հակոբ Արշակյան, Հայաստան

Գլխավոր թեմաներ