08:43 19 մարտի 2019
Ուղիղ եթեր
  • USD486.52
  • GBP644.88
  • EUR552.15
  • RUB7.53
Հայ–վրացական սահման

ՊԵԿ-ը հայտնաբերել է մաքսային հսկողությունից թաքցված կրիպտոարժույթի մայնինգի սարքավորումներ

© Sputnik / Laura Sarkisian
Հայաստան
Ստանալ կարճ հղումը
36 0 0

Ավտոբուսի շարժիչի մոտ գտնվող բեռնախցիկում նախապես պատրաստված թաքստոցում հայտնաբերել են կրիպտոարժույթի մայնինգի համար նախատեսված 13 սարքավորում

ԵՐԵՎԱՆ, 12 մարտի – Sputnik. Պետական եկամուտների կոմիտեի աշխատակիցները Բագրատաշենի մաքսակետում հսկողության են ենթարկել Վրաստանից Հայաստան ժամանած՝ Իրանի քաղաքացի Մ.Ա-ի կողմից շահագործվող ավտոբուսը: Արդյունքում անհրաժեշտություն է առաջացել տրանսպորտային միջոցը կնքել և տեղափոխել Երևան՝ ժամանակավոր պահպանման պահեստ՝ մանրակրկիտ մաքսային զննում իրականացնելու նպատակով, քանի որ կասկածներ են առաջացել, որ փոխադրամիջոցի հետնամասում կան մաքսային հսկողությունից թաքցված առարկաներ։

ՊԵԿ մամուլի ծառայությունը հայտնում է, որ Մաքսանենգության դեմ պայքարի վարչության օպերատիվ հետախուզության բաժնի և Գուգարքի տարածաշրջանային բաժնի Բագրատաշեն և Այրում-Ջիլիզա բաժանմունքի աշխատակիցները զննման արդյունքում ավտոբուսի հետնամասից՝ շարժիչի մոտ գտնվող բեռնախցիկում նախապես պատրաստված թաքստոցից հայտնաբերել են մաքսային հսկողությունից թաքցված՝ կրիպտոարժույթի մայնինգի համար նախատեսված 13 սարքավորում։

Փաստի առթիվ ՀՀ Մաքսային օրենսգրքի 201-րդ հոդվածի հատկանիշներով Մաքսանենգության դեմ պայքարի վարչությունում կազմված նյութերը տրամադրվել են ՊԵԿ իրավաբանական վարչությանը։

Ըստ թեմայի

ՊԵԿ-ը հայտնաբերել է 53.79 գրամ քաշով «ափիոն» տեսակի թմրանյութ
ՊԵԿ նախկին նախագահ Գագիկ Խաչատրյանին հրավիրել են ԱԱԾ
Որոշել էր ոսկյա զարդերը Հայաստան բերել մարմնին կպցրած. ՊԵԿ–ի աշխատակիցները թույլ չեն տվել
Միլիարդների չարաշահում, 1/3–ի վերադարձ. Թավշյա հեղափոխությունից հետո ՊԵԿ–ի բացահայտումները
Չհայտարարագրված ապրանքներ. ինչ է հայտնաբերել ՊԵԿ–ն ավտոմեքենայի թաքստոցներում. տեսանյութ
թեգերը:
Պետական եկամուտների կոմիտե (ՊԵԿ), Հայաստան

Գլխավոր թեմաներ