07:05 22 մարտի 2019
Ուղիղ եթեր
  • USD486.10
  • GBP640.24
  • EUR554.45
  • RUB7.64
Տոլմա

Հայ խոհարարները վճռական են տրամադրված. աշխարհը նորովի կփորձի հայկական տոլման

© Sputnik / Aram Nersesyan
Հայաստան
Ստանալ կարճ հղումը
14810

Հայկական խոհանոցը և խոհարարները շուտով նորովի կներկայանան աշխարհին։ Կգործարկվի միասնական խոհարարական ապրանքանիշ և կստեղծվի ազգային ակադեմիա։

ԵՐԵՎԱՆ, 12 մարտի — Sputnik, Լաուրա Սարգսյան. Հայաստանում կստեղծվի ազգային խոհարարական ակադեմիա, որը թույլ կտա որակապես նոր մակարդակի բարձրացնել հայկական խոհարարությունը։ Այս մասին Sputnik Արմենիայի թղթակցի հետ զրույցում ասաց Հայ խոհարարական ավանդույթների զարգացման և պահպանման հասարակական կազմակերպության նախագահ Սեդրակ Մամուլյանը։

Председатель общественной организации по развитию и сохранению традиций армянской кулинарии Седрак Мамулян на церемонии открытия кулинарной студии (12 марта 2019). Еревaн
© Sputnik / Laura Sarkisian
Հայ խոհարարական ավանդույթների զարգացման և պահպանման հասարակական կազմակերպության նախագահ Սեդրակ Մամուլյանը

Ակադեմիան կգործարկվի Սեդրակ Մամուլյանի անվան խոհարարական ստուդիայի հիման վրա, որն այսօր բացվել է Երևանում։

«Մենք ամեն ինչ ունենք ազգային խոհարարական ակադեմիա ստեղծելու համար։ Դա թույլ կտա նախապատրաստել ավելի բարձր մակարդակի խոհարարների, որոնք կհամապատասխանեն միջազգային չափանիշին», – ասաց Մամուլյանը։

Նրա խոսքով` այս ճանապարհին առաջին փուլը խոհարարական ակադեմիայի բացումն է։ Ցանկացողները երեք ամսվա ընթացքում յուրացնում են խոհարարության գաղտնիքները` սկսած ճաշատեսակների անվանումներից, վերջացրած մթերքների մշակման ճիշտ մեթոդով և տեխնիկայի ուսումնասիրությամբ։ Դասընթացների ավարտին ուսանողները կարող են հեշտությամբ աշխատանքի անցնել` որպես խոհարարի օգնական։

Церемония открытия кулинарной студии им. Седрака Мамуляна (12 марта 2019). Еревaн
© Sputnik / Laura Sarkisian
Սեդրակ Մամուլյանի անվան խոհարարական ստուդիայի բացումը

Մամուլյանը և նրա թիմը 5 տարի պատրաստվել են ստուդիայի բացմանը` անցկացնելով տարբեր փորձեր։ Դասընթացների ծրագիրը կառաջարկվի պետական կրթական համակարգին։

Ի դեպ, այս փուլում խոհարարները Մամուլյանի գլխավորությամբ ավարտել են ճաշատեսակների ցուցակի ձևավորման փուլը միասնական ազգային խոհարարական ապրանքանիշի համար։ Ազգային ճաշատեսակների ցուցակ կազմելու որոշումը, որոնք ազգային ապրանքանիշ կդառնան և կներկայացվեն աշխարհին, ընդունվել է 2018թ.–ի դեկտեմբերին հասարակական կազմակերպության 5–րդ համագումարում։

Մամուլյանի թիմն ավելի քան հազար հայկական ավանդական ճաշատեսակներից ընտրել է 35–ը։ Այնպիսի բաղադրատոմսեր են ընտրվել, որոնք արտացոլում են հայկական խոհարարության ոգին և յուրահատկությունը, ինչպես նաև հեշտ են պատրաստման մեջ` տոլմա, ղափամա, քալագյոշ, հարիսա, ժինգյալով հաց և այլն։

Ցուցակի մեջ մտել են տաք ճաշատեսակներ, նախաճաշեր, աղանդերներ, սառը նախուտեստներ։ Մամուլյանի թիմը պատրաստվում է հասնել նրան, որ այս կամ այն ճաշատեսակի անվանումը նշելիս աշխարհում միանգամից իմանան, որ այն հայկական է։

Հաջորդ փուլը ցուցակը Հայաստանի իշխանություններին ներկայացնելն է։

Председатель общественной организации по развитию и сохранению традиций армянской кулинарии Седрак Мамулян на церемонии открытия кулинарной студии (12 марта 2019). Еревaн
© Sputnik / Laura Sarkisian
Հայ խոհարարական ավանդույթների զարգացման և պահպանման հասարակական կազմակերպության նախագահ Սեդրակ Մամուլյանը

Հիշեցնենք, որ հասարակական կազմակերպությունը գործում է արդեն 11 տարի։ Մամուլյանը հավաքել է համախոհներին, որոնց շարքում եղել են խոհարարներ, ռեստորատորներ և շեֆ խոհարարներ Ռուզաննա Նահապետյանը, Արտավազդ Սարուխանյանը, Գարիկ Գևորգյանը, Գրիշա Անտինյանը։

Նրանց գործունեությունը սկսվել է ավանդական հայկական ճաշատեսակների ուսումնասիրությունից, որոնք մատուցվել են սեղանին ժողովրդական և կրոնական տոների ժամանակ։ Բաղադրատոմսերի համար շրջել են երկրի մարզերով։ Բացի այդ, կազմակերպության մասնագետները համայնքների և դեսպանատների աջակցությամբ ուսումնասիրել են տարբեր երկրներում գտնվող արխիվները։

Ըստ թեմայի

«Գայանե ջանի խոհանոցը» երկրորդն է Շեֆ խոհարարների համաշխարհային մրցույթում
Հայ խոհարարների հնդկական ֆուրորը. տոլմայի համը մնաց թուրքերի բերանում
Հայկական աղցանն ամերիկացի շեֆ–խոհարարների ամենասիրելի ուտեստն է դարձել
թեգերը:
Սեդրակ Մամուլյան, Հայաստան

Գլխավոր թեմաներ